“რეალში” ახალი პროექტი ხორციელდება და ძალიან მიხარია, რომ მეც მისი ნაწილი ვარ. ახალწვეულებს საკმარისი დრო გვაქვს, რომ ადაპატაცია გავიაროთ და გუნდში დავმკვიდრდეთ. ოღონდ, ამ ყველაფერს ბევრი შრომა სჭირდება, რაც კარგად მაქვს გაცნობიერებული.”

“სამეფო კლუბის” ფეხბურთელობა ადვილი არ გეგონოთ. ინჩასები ჩვენგან საკმოდ ბევრს ითხოვენ. ამიტომ თითოეულ შეხვედრას, როგორც ახალ გამოწვევას, ისე ვუდგებით. შეკრებაზე რამდენიმე მატჩში მივიღე მონაწილეობა და ლა ლიგის სადებიუტო შეხვედრაშიც სასტარტოში გახლდით. სწორედ ეს მინდოდა და ძალიან გახარებული ვარ, რომ პელეგრინი შანსს ხშირად მაძლევს. მიუხედავად ყველაფრისა, ძირითადში ადგილი საბოლოოდ დამკვიდრებული მაინც არ მაქვს.”

“რასინგში” სხვაგვარი ტაქტიკით ვასპარეზობდით. მაშინ ნახვარმცველებსა და მცველებს შორის შედარებით ნაკლები სივრცე იყო. აქ კი სხვაგვარადაა. მცველებს უფრო დიდი პასუხისმგებლობა გვეკისრება. მთავარია, პელეგრინის დავალება მაქსიმალურად შევასრულოთ, შედეგი კი, ამის შემდეგ მოვა.”

“ჩემს ყოფილ კლუბში პენალტებსა და ჯარიმებს ხშირად ვასრულებდი. “სამეფო კლუბში” კი, ამის საშუალება მომეცემა თუ არა, არ ვიცი. ყოველ შემთხვევაში, ვეცდები, რომ ზოგჯერ თანაგუნდელებმა ეს საქმე მე მომანდონ.”

“რასინგში” ასპარეზობა ძალიან დამეხმარა. ჯერ კიდევ ახალგაზრდა ვარ, თუმცა ლა ლიგაში საკმაო გამოცდილება დამიგროვდა, რაც “რეალში” დიდად მეხმარება. სანტანდერელებს დიდ მადლობას ვუხდი, რადგან ევროპისკენ გზა სწორედ მათ გამიხსნეს, და როგორც მოთამაშე, ძალიან გამზარდეს.”

“სიმართლე გითხრათ, თავიდან გამიჭირდა კიდეც. “სამეფო კლუბში” მოსული არ ვიყავი, რომ უკვე ჩემს გაშვებაზე ალაპარაკდნენ. არ ვიცოდი, სად შეიძლებოდა აღვმოჩენილიყავი. თუმცა, მწვრთნელს ვესაუბრე და მან გუნდში ჩემი ყოფნის საჭიროებაში სრულად დამარწმუნა.”

“გუნდში ჯანსაღი კონკურენციაა. თითოეული ფეხბურთელი გუნდური ინტერესებით მოქმედებს, რაც ძალიან კარგია. გაცნობიერებული გვაქვს ის პასუხისმგებლობა თუ ზეწოლა, რომელიც ჩვენი მისამართით მოდის.”

“არგენტინის ნაკრების თამაშებს თვალყურს ყოველთვის ვადევნებ. მსოფლიო ჩემპიონატზე გასვლა ძალიან გვიჭირს, თუმცა მუნდიალი არგენტინის გარეშე მაინც არ ჩაივლის.”

ინფორმაციის წყარო: RealMadrid.Com