"ერკულესის" მთავარმა მწვრთნელმა ესტებან ვიგომ წინასამატჩო პრესკონფერენციაზე "რეალთან" გასამართ შეხვედრაზე ისაუბრა, სადაც მან განაცხადა, რომ არაფერია გამორიცხული მადრიდელებთან შეხვედრაში.

"წინ გველის მეტად მნიშვნელოვანი შეხვედრა. უკანასკნელ მატჩებში ძალზედ არადამეჯერბლად ვასპარეზობთ, რაც ჩვენ შედეგზე უშუალოდ აისახება. გუნდში არიან ისეთი ფეხბურთელები, რომლებსაც შესანიშნავად შეუძლიათ შეტევის გაძლიერება. აგუილარი და პორტილიო შედეგიანად დარბიან მწვანე მინდორზე, რაც "ერკულესის" დამატებითი კოზირია".

"ფავორიტი ცხადია "რეალია", მაგრამ არაფერია გამორიცხული. "სანტიაგო ბერნაბეუზე" ქულის მოპოვება პრაკტიკულად შეუძლებელია, თუმცა სასწაულებიც ხდება. აუცილებლად მეორე ნომრად ვითამაშებთ და თამაში დაცვისკენ იქნება მიმართული. ჟოზე მოურინიოს შეგირდების შეჩერება ძნელია და ამას ბევრი ლაპარაკი არ სჭირდება. "თეთრები" დაუბრუნდნენ ჩვეულ და ოპტიმალურ ფორმას, ეს "რასინგთან" და "მალაგასთან" შეხვედრაშიც დამტკიცდა".