მოგეხსენებათ, მადრიდის "რეალის" არგენტინელი ცენტრ-ფორვარდი, გონსალო იგუაინი ქირურგიული ჩარევის შემდეგ აღდგენთ კურსს გადის, ექიმები ვარაუდობდნენ, რომ გონსალო მაისის ბოლომდე ვერ შეძლებდა დაბრუნებას, მაგრამ არგენტინელი ახალგაზრდა ძალიან ბევრს მუშაობს იმისთვის, რომ რეკორდულ დროში მოახერხოს რეაბილიტირება და მოედანზე გასვლა. პიპიტამ უკვე დაიწყო ბურთთან ერთად ვარჯიში ოღონდ ძალიან ცოტა ხნის მანძილზე, იგი ამჟამად მხოლოდ ტრენაჟორებზე იტვირთავს თავს. იგუაინმა ჟურნალისტებს ინტერვიუ მისცა, სადაც განაცხადა, რომ აპრილის შუა რიცხვებისთვის იგი მეოდანზე გასვლას შეძლებს...

"ჩემი დიდი სურვილია, რომ რაც შეიძლება მალე დავბრუნდე, მოედანზე გასვლა და გოლის გატანა მომენატრე, ძალიან მიმძიმს "ბლანკოსის" თამაშების ტელევიზორში და ტრიბუნიდან ყურება, ყოველთვის მინდა გუნდის დახმარება, რადგან თავს სამეფო კლუბის ერთ-ერთ საჭირო წევრად მივიჩნევ."

"რაც არ უნდა მოხდეს ლა ლიგის ეგიდით გამართულ კლასიკოსა და სამეფო თასის ფინალის ეგიდით გამართულ კლასიკოში მონაწილეობას მივიღებ, შესააძლოა 90 წუთის მოედანზე დაყოფა ვერ მოვახერხო, მაგრამ დარწმუნებული ვარ, რომ თითოეულ შეხვედრაში 20-25 წუთს თავისუფლად ვითამაშებ, იმედი მაქვს ჟოზე ამის საშუალებას მომცემს, კატალონიელთა წინააღმდეგ ბრწყინვალედ უნდა ვიასპარეზოთ და დავამარცხოთ ისინი."

"ყველაფერი იმაზე კარგად და სწრაფად მიდის, ვიდრე მოსალოდნელი იყო. დღეში 5-6 საათი უნდა მევარჯიშა, მაგრამ ჩემი გადაწყვეტილებით ამ დროს კიდევ 3 საათი დაემატა და დღეში 8-9 საათს ვატარებ სატრენაჟორო დარბაზში, სწორედ ეს არის წინსვლის საიდუმლო. უთამაშებლობა ჩემთვის კატასტროფაა, ამიტომ ვცდილობ მალე დავბრუნდე."