ფლორენტინო პერესმა 100 დღეში მადრიდის "რეალს" დაუბრუნა ძველი სახე.

1 ივნისს "სამეფო კლუბში" დაბრუნდა ფლორენტინო პერესი. მან გუნდის მწვრთნელად დანიშნა მანუელ პელეგრინი.

კაკა, კრისტიანო რონალდო, ბენზემა, ალბიოლი, გრანერო, არბელოა, ხაბი ალონსო... ასი დღე და 260 მლნ. პერესმა ტრანსფერებთან ერთად ფეხბურთელების გაშვებაზეც იზრუნა.კლუბი დატოვა რამდენიმე ჰოლანდიელმა.

ფეხბურთელების გაყიდვის შემდეგ კლუბს ბიუჯეტში დაუბრუნდა 100 მლნ. ევრომდე. გუნდს აშკარად აკლდა პერესის ხელი. შეგახსენებთ, რომ ფლორენტინომ პრეზიდენტის პოსტი დატოვა 2006 წელს.

ასე ვთქვათ, პერესმა თავიდან ააღორძინა "რეალი", განსხვავებით რამონ კალდერონისა, რომლის პრეზიდენტობის დროს გუნდი უსახურ ფეხბურთს აჩვენებდა. გუნდს მიზნად აქვს მოიგოს ყველა ის ტიტული, რაზეც მიიღებენ მონაწილეობას. ამ ყველაფერმა ძალიან აღაშფოთა "ბარსელონას" პრეზიდენტი ჟოან ლაპორტა და რამდენიმე ცინიკური განცხადებაც კი გააკეთა "სამეფო კლუბის" მიმართ.

პელეგრინი და სანახაობრივი ფეხბურთი

მანუელ პელეგრინი სამი თვის განმავლობაში აკვირდებოდა ფეხბურთელებს. მას სურდა თითო პოზიციაზე გუნდში ყოფილიყო ორი ფეხბურთელი. ჩილელი სპეციალისტი აპირებს გუნდი ათამაშოს "ვილიარეალის" ტაქტიკით. მისი მიზანია ბურთის ფლობა, რაც გუნდს დასახული მიზნისკენ მიიყვანს.

მას გუნდში ჰყავდა ახალგაზრდა გრანერო, გარაი და დრენტე, რომლებმაც მწვრთნელის მოწონება დაიმსახურეს. ლასსა და იგუაინს მოპოვებული აქვთ მწვრთნელისგან სრული ნდობა. ხავი გარსიას, პარეხოს, მიგელ ტორესსა და სნეიდერს თავიდანვე არ ენდობოდა ჩილელი მწვრთნელი.

კალათბურთი

ფლორენტინო პერესმა ფეხბურთთან ერთად კალათბურთსაც მიაქცია ყურადღება. მწვრთნელად დაინიშნა ცნობილი იტალიელი მწვრთნელი ეტორე მესინა. იტალიელი გუნდში ახალი იდეებით მოვიდა. დანერგა ახალი ფილოსოფია. გუნდი ერთ–ერთი ფავორიტია ტურნირებზე.

წლევანდელ პროექტში გუნდს ჰყავს 8 ახალი სახე. ესენი არიან: პრიგიონი, კაუკენასი, ჰანსენი, ვიდალი, ველიჩკოვიჩი, დაშიცე, გარბახოსა და ლავრინოვიჩი. ამ ტრანსფერებმა უნდა დააბრუნოს კლუბი ელიტაში, რომელშიც ისინი ათი წელიწადია აღარ იმყოფებიან.


ინფორმაციის წყარო: Defensacentral.com