კანტერანო ალექს ფერნანდესი მეექვსე ფეხბურთელია ამ სეზონში, რომელსაც დებიუტი ჰქონდა პირველ გუნდში. სრულიადში თქვენ შეგეძლებათ ბევრად მეტის გაგება ამ ფეხბურთელის შესახებ.

ალექსი 1992 წლის 15 ოქტომბერს ქალაქ ალკალა-დე-ენარესში დაიბადა. იქაურ სკოლაში რამოდენიმე წლის გატარების შემდგომ, 2005 წელს იგი "რეალის" ახალგაზრდულ გუნდში მოხვდა, სახელად "Infatil A"-ში. ჯერ კიდევ უახლოეს წარსულში ალექსი "ხუვენილ ა"-ს ერთ-ერთი ლიდერი ითვლებოდა, შარშან კი ბიჭებმა ეროვნული ჩემპიონატი და ჩემპიონთა ლიგა მოიგეს თავის ასაკში. ფერნანდესმა თავი, როგორც კარგმა ბომბარდირმა წარმოიჩინა. მან 9 გოლი გაიტანა, ერთ-ერთი მათგანი კი, "სერო რეიესის" კარში, მართლაც შესანიშნავი აღმოჩნდა.

გასულ ზაფხულს ალექსი გადაყვანილ იქნა "კასტილიაში", რომელშიც უკვე თამაშობდა მისი ძმა ნაჩო, ასევე საკმაოდ პერსპექტიული ცენტრალური ნხევარმცველი. ახალგაზრდა ფეხბურთელი მონაწილეობას იღებდა მადრიდის ამერიკულ ტურნეში, რომლის დროსაც მასთან მოურინიო მივიდა და უთხრა :"შენი იმედი მაქვს მომავალში". კასტილიის მწვრთნელი ტორილი კი აღფრთოვანებული ტონით საუბრობს ალექსზე და მის თამაშს სესკ ფაბრეგასს ადარებს. საინტერესოა, რომ ფეხბურთელი არ აპირებს მხოლოდ სპორტით დაკავებას და ჟურნალისტობის შესწავლას გეგმავს. გულშემატკივრებმა უკვე მოასწრეს ალექსის შეყვარება. ვალდებებასზე ხშირად ისმის მოთხოვნა "შოტლანდიელის" მოედნის გამოყვანისათვის-მას "შოტლანდიელს" ჭორფლებისა და თმის ფერის გამო ეძახიან.



სანტანდერში ახალგაზრდა ფეხბურთელის ბავშვობის ოცნება ახდა : მას დებიუტი ჰქონდა პირველ გუნდში, თუნდაც მცირეხნიანი. მატჩის მერე ალექსი თავის ემოციებს ვერ მალავდა და მადრიდის მთავარი მწვრთნელის მადლობელი იყო. მოურინიო ნელ-ნელა აახლოვებს კანტერანოებს ძირითად გუნდთან. აქამდე დებიუტი უკვე ჰქონდათ, ხუან კარლოსს "დეპორტივოსთან", სარაბიას და ადანს "ოსერთან", მორატას "სარაგოსასთან" ხოლო მატეოსს გასვლაზე "აიაქსთან"