ანტონიო კალიენდო: "ჩვენ ჯერ არ ვაწარმოებთ მოლაპარაკებებს,მაგრამ ყველაფერი მოსალოდნელია."

ბრაზილიელი მცველის აგენტმა,ანტონიო კალიენდომ ისაუბრა დუგლას მაიკონის შესაძლო ტრანსფერზე რეალში. იგი არ გამორიცხავს მისი კლიენტის გადასვლას სამეფო კლუბში.

"ჩვენ ჯერ არანაირ მოლაპარაკებებს არ ვაწარმოებთ,მაგრამ წინასწარ ვერაფერს გეტყვით. ყველაფერი რამდენიმე თვეში გაირკვევა. ზაფხულამდე არც თუ ისე დიდი დროა დარჩენილი." – განაცხადა კალიენდომ.

როგორც მოგეხსენებათ გასულ ზაფხულს "მადრიდის რეალი" 2 თვის განმავლობაში ცდილობდა მაიკონის შეძენას,მაგრამ ეს ტრანსფერი არ შედგა. იტალიური კლუბი 30 მილიონს ითხოვდა მაიკონის სანაცვლოდ, "რეალი" კი 25 მილიონზე მეტის გადახდას არ აპირებდა ბრაზილიელი მცველის სანაცვლოდ.