როგორც მოგეხსენებათ, გუშინ "რეალისა" და "მალაგას" შეხვედრაში, მატჩის ერთერთი გამორჩეული ფიგურა, კარიმ ბენზემა იყო. ფრანგმა ორი გოლის გატანა მოახერხა. ამასთანავე, კარიმისთვის ეს შეხვედრა "ლა ლიგის" ფარგლებში საიუბილეო - 50-ე გამოდგა.

ბენზემას დებიუტი "სამეფო კლუბის" შემადგენლობაში, 2009 წლის 29 აგვისტოს შედგა “დეპორტივოს“ წინააღმდეგ. ამ შეხვედრაში "ბლანკოსმა" თავისი მეტოქე 3-2 დაამარცხა. კარიმის ჩატარებული შეხვედრებიდან, "თეთრებმა" 38-ში მოახერხეს გამარჯვების მოპოვება. 6-ჯერ ითამაშეს ფრე და განიცადეს 6 მარცხი.