როგორც ესპანური პრესა იტყობინება, სამეფო კლუბი და კატალონიის ”ბარსელონა” სლოვაკი მარეკ ჰამშიკისთვის იბრძოლებენ, რომელიც ”ნაპოლიში” შესანიშნავ სეზონს ატარებს...

”რეალმა” და ”ბლაუგრანამ” უკვე დაიწყეს სკაუტების გაგზავნა იტალიაში, რათა უკეთ შეისწავლონ ფეხბურთელი. აღსანიშნავია, რომ ჰამშიკის შეძენა, ”მანჩესტერ იუნაიტედსაც” სურს. მარეკმა მისი ბოლო მატჩი, ”სან სიროზე” გამართა ”მილანის” წინააღმდეგ. ამ შეხვედრაში ნეაპოლელებმა გამანადგურებელი ანგარიშით წააგეს.

სლოვაკი სრულყოფილი ნახევარმცველია და ბევრი ვარაუდობს, რომ იგი სულ მალე გახდება სამაგილოთო ფეხბურთელი მსოფლიოსთვის. ”ნაპოლის” ლიდერი ძალიან კარგია ისევე როგორც დაცვაში, ასევე შეტევაშიც. წლევანდელ სეზონში, მარეკმა 8 გოლი გაიტანა და გააკეთა 4 საგოლე გადაცემა.

ჰამშიკი უკვე იყო ”რეალისა” და ”ბარსელონას” ინტერესთა სფეროში მოქცეული, თუმცა მსოფლიოს გიგანტებმა ვერ მოახერხეს მისი ყიდვა. სლოვაკის შეძენა არც ახლა იქნება ადვილი, ვინაიდან ნაკლებად სავარაუდოა, რომ ”ნაპოლის” მესვეურებმა, მარეკი გუნდიდან გაუშვან.