ინგლისური "სანდერლენდის" ნახევარმცველმა, სულეიმან მუნტარიმ ჟოზე მოურინიოზე ისაუბრა და განაცხადა, რომ ესპანეთის შემდეგ იგი აუცილებლად გაწვთნის პრემიერ ლიგის რომელიმე გუნდს...

"ჟოზე მოურინიო ბრწყინვალე ადამიანი და მწვრთნელია, მასთან მუშაობა ნებისმიერი ფეხბურთელისთვის დიდი სიამოვნებაა, რადგან იგი ყველასთან მეგობრობს და ფსიქოლოგიურად მოქმედებს. სპორტული თვალსაზრისით მოურინიო საუკეთესოა, მან "ინტერში" ბრწყინვალედ ჩაატარა დაკისრებული სამუშაო, როდესაც იტალურ კლუბში ვირიცხებოდი ნამდვილად ბედნიერი ვიყავი, მაგრამ რაფაელ ბენიტესის მოსვლის შემდეგ ყველაფერი რადიკალურად შეიცვალა."

"დარწმუნებული ვარ "რეალის" შემდეგ ჟოზე ინგლისის პრემიერ ლიგაში დაბრუნდება და კიდევ ეცდება ტიტულების მოგებას, ამ ადამიანს უდიდეს პატივს ვცემ და ვთვლი, რომ იგი საუკეთესოა, "ბლანკოსს" იდეალური მწვრთნელი ჰყავს, რომელიც აუცილებლად მიაღწევს წარმატებას."