კარვალიომ მოურინიოსთან და ზიდანთან ერთად ისაუბრა მოსალოდნელ მატჩზე.

"პორტოს შემადგენლობაში მათ წინააღმდეგ მითამაშია, მაშინ 2:0 მოვიგეთ ჩვენს მოედანზე, ამიტომ არ მეშინია ძველი წარუმატებელი სერიის, საბრძოლო მზადყოფნაში ვართ."

"ჩვენ პატივი უნდა ვცეთ მწვრთნელის გადაწყვეტილებას, თუ ის მოგვთხოვს დაცვაში თამაშს ასე გავაკეთებთ, იგივეს ვიზამთ შეტევაში გადასვლის მოთხოვნის შემთხვევაშიც, მან უკეთ იცის, როგორ უნდა მივაღწიოთ წარმატებას."

"მნიშვნელოვნია გოლის გატანა მოვახერხოთ, რაც ჩვენს შანსებს ერთი-ორად გაზრდის. ვფიქრობ, მეტოქის კარის აღება კარგი შედეგი იქნება."

"ლა ლიგაში კარგად გამოვიყურებით, განსაკუთრებით საშინაო მატჩებში, მაგრამ ჩემპიონთა ლიგა სხვა განზომილებაა, აქ შესაძლოა ერთმა შეცდომამ გუნდი დაღუპოს. თუმცა ჩვენ ვიცით როგორ უნდა მოვუგოთ ლიონს."

"თავს შესანიშნავად ვგრძნობ, გამოცდილება, რომელიც რელში გადმოსვლამდე დავაგროვე ძალიან მეხმარება. ვფიქრობ კარიერის საუკეთესო წლებს ვატარებ სამეფო კლუბში."