მადრიდის "რეალის" თვითმფრინავი უკვე დაჯდა საფრანგეთის ქალაქ ლიონის აეროპორტში...

სულ ცოტა ხნის წინ, დედაქალაქელები საფრანგეთში ჩაფრინდნენ. მათ აეროპორტში 200-მდე ფანი დიდი ოვაციებით და სიხარულით დახვდათ. ამჟამად ფეხბურთელები სასტუმროში იმყოფებიან და ისვენებენ.

ჟოზე მოურინიო და რიკარდო კარვალიო ჟურნალისტებს შეხვდებიან და პრესკონფერენციას გამართავენ, რომელიც "ლიონთან" შეხვედრას მიეძღვნება. ამის შემდეგ კი სამეფო კლუბის ფეხბურთელებს, ჟურნალისტებთან ყველანაირი კონტაქტი აეკრძალებათ. მატჩი ხვალ, თბილისის დროით 23:45 საათზე აიღებს სტარტს.