სეზონის დასაწყისში თქვენ გოლები გაგქონდათ, უფრო მეტად იღებდით საკუთარ თავზე თამაშს და შესაბამისად ეგოისტის ტიტულიც კი აიკიდეთ, მაშინ კრიტიკაც არ გაკლდათ, ეხლა კი, ორი ტურია , რაც გოლი არ გაგაქვთ და უფრო გაქებენ გუნდური თამაშის გამო.

მთელ დროს ნამდვილად ვერ გაატარებ სხვების კრიტიკული აზრების მოსმენაში. აუცილებლად უნდა იფიქრო საკუთარ თავზე და ფეხბურთზე. შემიძლია ფეხბურთი ვითამაშო და მომდევნო დღეს რადიოში ან ტელევიზიაში მოვისმინო, თუ რას იტყვიან ჩემზე. ვაპირებ ანალოგიურად გავაგრძელო და ნაკლებად ვიდარდო იმაზე, მაკრიტიკებენ თუ არა.

ამჟამად ვხედავთ ისეთ კრიშტიანო რონალდოს , რომელიც დიდ და წამყვან როლს თამაშობს კოლექტივში

"მადრიდის რეალი" მხოლოდ ერთ ფეხბურთელზე არასდროს არ ყოფილა დამოკიდებული და მომავალშიც არ იქნება. თუ ასე მოხდა,ეს ცუდის ნიშანია. შესანიშნავი შემადგენლობა და კოლექტივი გვყავს, რომელთან ადაპტირებაც არ გამჭირვებია. მისტერი (მოუ) არის ერთადერთი, რომელიც წყვეტს, თუ როგორ და რანაირად უნდა ვითამაშო. თუ თამაში კარგად გამომდის, ჩემი ოჯახი, მეგორები და მე ბედნიერები ვართ.

შენი კარიერის პიკში იმყოფები?

დიახ. ყოველთვის ვცდილობ, რომ მაქსიმალურად დავიხარჯო. ბევრს ვმუშაობ, მაგრამ დიდი ხანია, რაც არაფერი არ მომიგია. იმედი მაქვს ბევრ ტიტულს მოვიგებ...

ყოველთვის იძახი, რომ ცდილობ შენი თამაში დღითი–დღე გააუმჯობესო. რას ფიქრობ, რისი გაუმჯობესება გჭირდება?

თუ იფიქრებ, რომ შენ ყველაფერი იცი, მაშინ ტრიუმფს ვერ ეღირსები. ყოველთვის უნდა განვითარდე. აი, მეც სწორედ ასე ვიქცევი. ყველაფერს, რასაც 18 და 19 წლის ასაკში ვაკეთებდი, ახლაც ვაკეთებ და ვიმეორებ. ამჟამად უფრო ჩამოყალიბებული ვარ, როგორც ფეხბურთელი. გამოცდილება სტაბილურობას და თავდაჯერებულობას გმატებს მოედანზე. ყოველი თამაშიდან ვცდილობ რაღაც მაინც ვისწავლო.

ლა ლიგაში 24 გოლი გაიტანეთ. რას ნიშნავს თქვენთვის უგო სანჩესისა და ზარას 38 გოლიანი რეკორდის შესაძლო დამხობა?

ამ რეკორდის დამხობას სულაც არ ვცდილობ. მე ტიტულები მინდა. რეკორდები მე არაფერს არ მეუბნება. ერთადერთი, რაც მე მსურს არის კლუბისთვის დახმარების გაწევა და მასთან ერთად ტიტულების მოგება, ვინაიდან შეუძლებელია "მადრიდის რეალმა" ორი წლის მანძილზე ვერც ერთი ტიტული ვერ მოიგოს. არავის და არაფრის არ მშურს.

ფიქრობთ თუ არა, რომ მოწინააღმდეგეთა სტადიონებზე "მადრიდის რეალის" მიმართ ზიზღი უფრო და უფრო იზრდება?

როცა ქალაქში ჩავდივართ და სასტუმროში განვთავსდებით, მაშინ ხალხი ძალიან თბილად და მეგობრულად გვხვდება, არ მესმის რა ემართებათ მათ მოედანზე. რატომ არიან ისინი ასე გაღიზიანებული "მადრიდის რეალით" ჩემთვის გაუგებარია. ... ძნელია ამ კითხვებზე პასუხის გაცემა. ესაა სიტუაცია, რომელსაც უნდა მიეჩვიო და რომელთან ერთადაც უნდა იცხოვრო. ვიცით, რომ ფეხბურთში ძალიან ბევრი მტრები არიან. მისტერმა კარგი მაგალითი მოგვცა, როცა "ოსასუნასთან" ვთამაშობდით. მან გვითხრა, რომ ისინი ფეხბურთის მოწინააღმდეგენი არიან, მოედანზე ბურთების სროლით და სხვა ამაზრზენი საქციელებით, მხოლოდ ფეხბურთს აყენებენ შეურაცხყოფას. მაგრამ ეს სავსებით ნორმალურია, ვინაიდან თითოეულ "ოსასუნას" ფეხბურთელს სურს "მადრიდის რეალში" თამაში და ჩვენნაირი წარმატების მიღწევა. მომეწონა ეს რჩევა და მუდამ მახსოვს იგი. მოედანზე ბევრი გვიყურებს და ვერ ხვდება, რატომ ვართ ასე პრივილეგირებულები. აი ამიტომაც სჩადიან ისინი იმას, რასაც ყველანი ვხედავთ. უბრალოდ შენ თავად უნდა იყო მზად ამისთვის.

ბოლო ორი თვის მანძილზე თქვენს მიმართ აგრესია განსაკუთრებით თვალში საცემი გახდა მეტოქეთა სტადიონებზე. ამას თქვენთვის ხელი სულაც არ შეუშლია.

ამ გულშემატკივრებს შეუძლიათ აკეთონ ყველაფერი, რაც მოესურვებათ. მათ შეუძლიათ მესროლონ ყველაფერი, რაც ხელში ექნებათ, მაგრამ უნდა გაითვალისწინონ, რომ ვერც მორალურად და ვერც ფსიქოლოგიურად ამით მე ვერაფერ ზიანს ვერ მომაყენებენ, მე ისევე გავაგრძელებ თამაშს, როგორც ამას ვაკეთებდი მანამდე. თუ ეს არ მოგწონთ, მაშინ შეგიძლიათ სახლში დარჩეთ. მე რკინისგან სულაც არ ვარ გამოწრთობილი და ვიცი, რომ არის ისეთი რაღაცეები, რომლის გაკეთებაც არ შეგიძლია, მაგრამ ამაზე ლაპარაკი, როცა დივანზე ხარ წამოწოლილი ადვილია, აბა გადით და დადექით შუაგულ მოედანზე, როცა ხალხი შენი მშობლების და შენთვის საყვარელი ხალხის მიმართ უცენზურო და უწმაწურ სიტყვებს იძახის. ამ დროს თავის გაკონტროლება ძალიან ძნელია. ვცდილობ დავარწმუნო ჩემი თავი, რომ ასეთი რაღაცეები მე ხელს ვერ შემიშლის.

იყო ისეთი მომენტერბი, რომ თქვენს მიამრთ დაგროვილი აგრესიის გამო გიფიქრიათ ლა ლიგიდან აბარდება?

როცა სუსტი ხარ, მაშინ თავში ათასგვარი აზრები გიტრიალებენ. მაგრამ, ვინაიდან და რადგანაც მე ფსიქოლოგიურად საკმაოდ ძლიერი ვარ , ამიტომაც ვცდილობ ასეთი სისულელეებბი თავიდან რაც შეიძლება მალე ამოვიგდო. უნდა ვაღიარო, რომ იყო მომენტები, როცა სისუსტე გამომიჩენია და დავღლივარ ყოველივე ზემოთხსენებულისგან, მაგრამ ეს ფეხბურთის ცხოვრების ნაწილია, მე კი ძალიან მოხარული ვარ ლა ლიგაში თამაშით. მადრიდელ ხალხს ჩემს მიმართ კარგი დამოკიდებულება აქვთ.

წინა სეზონში მთელი ზეწოლა შენ გაწვა. მას შემდეგ, რაც მოურინიო მოვიდა, მან ეს ზეწოლა მოგიხსნათ.

მისმა მოსვლამ გამამხიარულა. სიმართლე ისაა, რომ მას შემდეგ, რაც მისტერი მოვიდა , ჩემს მიმართ გამოთქმულმა პრეტენზიებმა და კრიტიკამ იკლო. მოურინიოს აქვს ძალაუფლება, მორალი, ტიტულები და მან იცის, რასაც ამბობს. ბევრს არ მოსწონს ეს, მაგრამ ის ვერ გახდება პირფერი, რადგან მუდამ ამბობს იმას, რასაც ფიქრობს. ძალიან მოხარული ვარ მისი მოსვლით და იმედი მაქვს, ერთად ბევრ რამეს მივაღწევთ.

მოურინიომ თქვა, რომ როცა სიბელეს მოედანს გადის მუდამ წარმოიდგენს იმ დღეს, როცა ამ მოედანზე ტიტულს აღმართავს.

მე იშვიათად მიწევს მანდ გავლა.

გინახავთ ვიდეოები, თუ როგორ აღნიშნავენ გამარჯვებებს მადრიდისტები მანდ?

დიახ. რამოდენიმე აღნიშვნა ვნახე დვდ–ზე. მინდა ეს შთაბეჭდილება და ემოცია პირადად გამოვცადო. ტიტულები აღმინიშნია "მანჩესტერ იუნაიტედთან" ერთად, მაგრამ მილიონობით გულშემატკივრის ნახვა მოედანზე შენს ირგვლივ შთამბეჭდავი იქნება.

რამოდენიმე კვირის წინ ითქვა, რომ ლა ლიგა დასრულად. რას იტყვით "მადრიდის რეალზე", რომელსაც არაერთხელ გამოუცხვია სასწაულები?

ბოლომდე უნდა იბრძოლო, ვინაიდან ფეხბურთში ყველაფერი ხდება. "სპორტინგის" წინააღმდეგ თამაშში "ბარსელონას" 70%–იანი ბურთის ფლობა ქონდა, მაგრამ მხოლოდ ერთი გოლი გაიტანა. ასევე დააკვირდით გუშინ "ატლეტიკოს" წინააღმდეგ თამაშსაც. ეს ყველაფერი ადასტურებს, რომ ფეხბურთი არაპროგნოზირებადი და ცვალებადია. ჩვენ შეგვიძლია ლა ლიგის მოგება. ვიცით, რომ ეს ძნელი იქნება, მაგრამ ადრე შვიდქულიანი სხვაობა გვქონდა, ეხლა ხუთია და ვინ იცის, იქნება მომდევნო კვირას, სულაც ორამდე დავიდეს...

ითქვა, რომ რამოდენიმე თქვენს თანაგუნდელთან ცუდი ურთიერთობა გაქვთ...

ეს კითხვა ძალიან საინტერესოა. როცა კარგად ვთამაშობ, ხალხს ახალ–ახალი ამბების გამოცხობის სურვილი უჩნდება.ანალოგიური რამ ხდება პორტუგალიაშიც. აქ ითქვა თითქოს იკერს და მე ცუდი ურთიერთობა გვაქვს და ერთმანეთს ვერ ვეგუებით, მაგრამ არ მესმის საიდან ასეთი "ექსკლუზიური" ინფორმაციები. მერე თქვეს, თითქოს იკერმა მომცა რჩევა, როგორ არ მეპასუხნა გულშემატკივრებისთვის. ესაა სიცრუე, რომელიც მე მაწუხებს. ცრუ ინფორმაციებზე ფულს არ უნდა აკეთებდე. არ მომწონს ასეთი რაღაცეები. ხალხს უფლება აქვს სიმართლე იცოდეს.

და რა არის სიმართლე?

ღმერთის წყალობით თითოეულ თანაგუნდელთან ძალიან კარგი დამოკიდებულება მაქვს. სიმართლეა ისიც, რომ ზოგიერთთან შედარებით უფრო ახლოს ვარ, მაგრამ ეს სავსებით ნორმალურია. ძალიან კარგი დამოკიდებულება მაქვს მარსელოსთან, კაკასთან და კარვალიოსთან. ეს ძირითადად იმ მიზეზითაა განპირობებული, რომ ისინი პორტუგალიურად საუბრობენ და ჩემი ქვეყნის ეროვნულ ნაკრებებში თამაშობენ. ამავდოულად ჩემი ურთიერთობა სერხიო რამოსთან, იკერ კასილასთან, არბელოასთან, ალონსოსთან ფენომენალურია. ამ ბიჭებს ჩემთვის ცუდი არ გაუკეთებიათ. პირიქით, ძალიან ბევრ რამეში დამეხმარნენ კიდევაც. ისინი გუნდური მოთამაშეები არიან. ლასი, ადებაიორი, კარიმი ... ყველაფერი უბრალოდ ბრწყინვალედაა.

რამდენად ხშრიად რჩებით ერთად საწვრთნელი ვარჯიშების შემდეგ?

არის ასეთი შემთხვევებიც, როცა ვალდებაბასზე ერთად ვსაუზმობთ/ვსადილობთ. პორტუგალიელებთან ახლოს ვარ, როგორც გითხარით და ზოგჯერ ისინი ჩემთან სახლში მოდიან სტუმრად. ატმოსფერო უბრალოდ ფენომენალურია.

სიმართლეა თუ არა, რომ 2008–ში შენ შეგეძლო "ბარსელონაში" გადასულიყავი, მაგრამ არჩიე "მადრიდის რეალს" დალოდებოდი?

მე ყოველთვის ვოცნებონდი "მადრიდის რეალში" თამაშზე იმ ისტორიის გამო, რაც ამ გუნდს აქვს, იმ ტიტულების გამო, რაც მან მოიგო, იმ ფეხბურთელების გამო, რომელთა მაისურებსაც მე ვატარებდი ბავშვობაში. მანამ, სანამ "მანჩესტერში" წავიდოდი, უკვე მაშინ ვოცნებობდი აქ თამაშზე, 2009 ში სხვა კლუბებიც იყვნენ ჩემი შეძენით დაინტერესებულნი, მაგრამ ჩემმა ოცნებებმა თავისი ქნეს.

კონკრეტულად რომელ კლუბზეა საუბარი?

ეს არ არის მნიშვნელოვანი. აქ მე ბედნიერი ვარ.

რას ფიქრობთ რაულზე, როგორ მოგწონთ მისი თამაში გერმანიაში?

რაული მთელი მსოფლიოსთვის მაგალითია. ისი დიდებული ჩემპიონია. მე ძალიან მოხარული ვარ, რომ მას ყველაფერი კარგად მისდის, ვინაიდან ის ამას იმსახურებს. მე კაპიტანსყოველივე საუკეთესოს ვუსურვებ.

რა არის თქვენთვის უფრო მნიშვნელოვანი, La Décima თუ Ballon d’Or–ი?

La Décima, ვინაიდან ჩემპიონატის მოგებისას , ავტომატურად ნიშნავს, რომ შენ Ballon d’Or–ის მოგების შანსი გეზრდება. თქვენ მკითხავთ: "კრიშტიანო, აი შენ არჩევანი, ჩემპიონთა ლიგა, თუ Ballon d’Or?რომელი გირჩევნია?" მე, რა თქმა უნდა პირველ მათგანს ავირჩევ. აქ არიან ბიჭები, რომლებმაც არ იციან, თუ რა გრძნობაა ეს. ღმერთის წყალობით, მე მქონდა ეს პატივი "მაNჩესტერ იუნაიტედში"? მთელი წელი იმისთვის იხარჯები და შრომობ, რომ წლის ბოლოს რამე დიდი მოიგო, ვიმედოვნებ, რომ კიდევ ერთხელ მოვიგებთ ჩემპიონთა ლიგას ისე, რომ ვიტყვი, ეს დიდი შრომის შედეგია და არა უბრალოდ იღბალის.

შეგიძლიათ "ლიონის" წინააღმდეგობის დაძლევა?

თუ ღმერთი მოისურვებს, ამ წელს მხოლოდ გამარჯვებისთვის ვიბრძოლებთ. წელს სულ სხვა სიტუაცია იქნება. მისტერს ძალიან დიდი გამოცდილება აქვს და მან იცის, თუ რა უნდა ქნას გამარჯვებისთვის.

ჩემპიონთა ლიგის ფავორიტებს შორის არის თუ არა "მადრიდის რეალი"?

დიახ, რა თქმა უნდა. ჩვენ მოგების ამბიცია გვაქვს. გვინდა , რომ "უემბლიზე" ფინალში ვითამაშოთ. ჩვენ თავს ფავორიტებს შორის ვთვლი, ვინაიდან შესანიშნავი კლუბი გვყავს.

ფიქრობთ თუ არა, რომ "არსენალს" შეუძლია "ბარსელონას" გამოთიშვა?

ლონდონში ჩატარებული შეხვედრა ძალიან ლამაზი გამოდგა, ხოლო ანგარიშიდან გამომდინარე ყველაფერი ჰაერზეა და რამის თქმა შეუძლებელია. "არსენალმა" კარგად ითამაშა, მაგრამ "ბარსელონა" ძალიან ძლიერია. მსურს ვიხილო მეორე შეხვედრა "კამპ ნოუზე", ვინაიდან ძალზედ სანახაობრივი და ლამაზი თამაში უნდა გამოდგეს. ვნახოთ, რა მოხდება.

მესი იმიტომაა კარგი, რომ ხავი და ინიესტა ყავს?

ისინი ეხმარებიან მას იყოს საუკეთესოა. ამაში ორი აზრი არ არსებობს. მესიმ იცის , რომ ეს ფეხბურთელები მისთვის ძალიან მნიშვნელოვნები არიან. მათ მოიგეს ევროპისა და მსოფლიოს ჩემპიონატი. ჩვენ ნორმალურ ფეხბურთელებზე კი არა არანორმალურ ფეხბურთელებზე ვსაუბრობთ. რა თქმა უნდა, მესი ცალკე ფენომენია, მაგრამ ხავი და ინიესტა მოედანზე როცა არიან, "ბარსელონა" მაინც სულ სხვანაირად ძლიერია. მე პედროს ძალიან მომწონს.