კარვალიომ, რამოსმა, მარსელომ და ალბიოლმა ”ლევანტესთან” მატჩზე ისაუბრეს...

კარვალიო:
”ლევანტემ დაცვაში ნორმალურად ითამაშა, მაგრამ სწრაფი გოლი ძალიან დაგვეხმარა გამარჯვებაში. ყოველთვის კარგია, ჩემპიონთა ლიგის წინ მატჩის მოგება, რადგან ”ლიონთან” მატჩს კარგ ხასიათზე შევხვდებით. მოხარული ვარ ბენზემას გოლით, მან ეს დაიმსახურა”.

რამოსი:
”მოედანზე ფოკუსირებულები ვიყავით და მეტოქეც დავაფასეთ, სწორედ ამან განაპირობა ჩვენი გამარჯვება. ახლა ბარსელონას ჯერია”.

ალბიოლი:
”იმედია ბარსელონა ”ბილბაოს” ვერ მოუგებს, ისევე როგორც კოპა დელ რეიზე. ჩვენ ნამდვილად გვჭირდება კატალონიელთა ჩავარდნა. ყველანაირად შევეცდებით ”ლიონის” დამარცხებას, თუმცა ეს ადვილი არ იქნება, რადგან ფრანგული კლუბი შინ საკმაოდ ძლიერია”.

”ადანმა დაამტკიცა, რომ მას შეუძლია იყოს მაღალი დონის გოლკიპერი. ის ამ წელს თავდაუზოგავად მუშაობდა, რაც დაუფასდა კიდეც. კარვალიო მცველია, მაგრამ გააქვს ბევრი გოლი. სწორედ ამიტომ არის იგი ჩვენთვის ძალიან მნიშვნელოვანი”.

მარსელო:
”ვიცოდით,რომ რთული მატჩი გველოდა, რადგან ჩემპიონთა ლიგაზე ვფიქრობდით და სწორედ ამიტომ დიდი ალბათობა იყო იმისა, რომ ”ლევანტესთვის” დაგვეთმო მატჩის სადავეები, თუმცა ყველაფერი პირიქით მოხდა. მოედანზე ფოკუსირებულები გავედით და გამარჯვებაც მოვიპოვეთ. სამშაბათს ურთულეს მატჩს ჩავატარებთ ”ლიონთან”, მაგრამ ჩვენ აუცილებლად დავძლევთ ამ ბარიერს”.


წყარო:realmadrid.com