ბრაზილიის ნაკრების ლიდერმა, კაკამ არგენტინასთან გამართული მატჩის შემდეგ, საკამოდ საინტერესო კომენტარი გააკეთა. მისი თქმით, ძალიან სურს მარადონას შეგირდების მსოფლიო ჩემპიონატზე გასვლა.

“არგენტინის ნაკრების გარეშე, მსოფლიო ჩემპიონატი ხიბლს დაკარგავს. ამ გუნდს უდიდესი ტრადიციები აქვს და ძალიან მინდა, რომ მუნდიალის საგზური მოიპოვოს. დარწმუნებული ვარ, რომ მარადონას გუნდი ამ გეგმას წარმატებით შეასრულებს.”

“ბრაზილიის ნაკრები კი ჩვეულ სტილშია, - კვლავ მოვიგეთ და მსოფლიო ჩემპიონატზეც ვიასპარეზებთ. მუნდიალის მოგება ძალიან მინდა. 2006 წელს, რბილად რომ ვთქვათ, ცუდად ვიასპარეზეთ, რაც აღარ უნდა განმეორდეს. ბრაზილია მაშინ მეოთხედფინალში გავარდა, რაც ჩვენთვის აშკარად დიდი იმედგაცრუება იყო.”

კაკა ბრაზილიის ნაკრებში 2002 წლიდან ასპარეზობს და “სელესაოში” ჩატარებულ 70 შეხვედრაში 26 გოლის გატანა შეძლო.

ინფორმაციის წყარო: ANSA.it