როგორც მოგეხსენებათ, გუშინ გაიმართა ამხანაგური შეხვედრები ნაკრებებს შორის. ესპანელები დაუპირისპირდნენ კოლუმბიელებს.

"სანტიაგო ბერნაბეუზე" გამართულ შეხვედრაში ესპანელებმა იმარჯვეს, ანგარიშით 1–0. თამაში მეტ–ნაკლებად სანახაობრივი იყო, თუმცა მომენტები მაინც იქმნებოდა. კოლუმბიელებმა ძალიან დამაჯერებლად ითამაშეს, ხშირ შემთხვევაში ისინი ჯობდნენ კიდეც "წითლებს". დელ ბოსკემ თავის მიზანს მიაღწია. 86–ე წუთზე დავიდ სილვამ გადამწყვეტი გოლი გაიტანა და მადრიდში შეკრებილი ხალხი გაახარა. ზემოთხსენებულ შეხვედრაში ხუთმა "რეალის" მოთამაშემ მიიღო მონაწილეობა (ალონსო, არბელოა, სერხიო რამოსი, რაულ ალბიოლი და იკერ კასილასი). აღსანიშნავია ისიც, რომ ბოსკეს შეგირდებიდან საუკეთესოები იყვნენ იკერ კასილასი და ანდრეს ინიესტა, რომლებმაც უდიდესი შრომა გაიღეს.