საფრანგეთის ეროვნული ნაკრების მთავარმა მწვრთნელმა ლორან ბლანმა ბენზემას შესახებ ისაუბრა და განაცხადა, რომ ქარიმი მაღალი დონის ფორვარდია. აგრეთვე, მან ემანუელ ადებაიორის ტრანსფერზეც გამოთქვა თავისი აზრი.

"ბენზემა იმედისმომცემი და საკმაოდ მაღალი დონის ფორვარდია. დარწმუნებული ვარ, რომ ქარიმი ყოველდღიურად მეტს იშრომებს, ვიდრე ეს აქამდე იყო. 9 ნომერი საფრანგეთისთვის ძალზედ გამოსადეგია და მე თავდამსხმლის პროფესიონალიზმში ეჭვი არ მეპარება. მიუხედავად იმისა, რომ იგი "სამეფო" კლუბს ვერ მოერგო, მაინც ვთვლი, რომ ფორვარდი "ბლანკოსისთვის" საჭიროა".

"მოურინიომ შეიძინა ახალი ფორვარდი ემანუელ ადებაიორი, ეს კი იმაზე მიგვითითებს, რომ პორტუგალიელი ტაქტიკოსი ბენზემათი უკმაყოფილოა. მჯერა, რომ ზემოთხსენებული მოთამაშე კვლავინდებურ ფორმას დაიბრუნებს. ალბათ მას შანსი კვლავინდებურად მიეცემა, თუმცა ფრანგმა ეს შანსი ხელიდან არავითარ შემთხვევაში არ უნდა გაუშვას, წინააღმდეგ შემთხვევაში ქარიმს კლუბის გამოცვლა მოუწევს".

"შავკანიანი ფორვარდი ჯერ–ჯერობით კარგად გამოიყურება. "რეალში" კონკურენცია საკმაოდ დიდია, მაგრამ მოურინიო თითოეულ მადრიდელს მისცემს თავის გამოჩენის საშუალებას, რაც ძალიან დასაფასებელია".

ინფორმაციის წყარო: Marca.Com