როგორც ესპანური და ინგლისური მედია იუწყება, "პრემიერლიგის" ერთ–ერთი საუკეთესო კლუბი "მანჩესტერ სიტი" ივნისში შეეცდება, რომ გადაიბიროს "სამეფო" კლუბის ორი მცველი პეპე და სერხიო რამოსი, რომელიც მეტად მნიშვნელოვანია ჟოზე მოურინიოსთვის და ზოგადად ესპანური ფეხბურთისთვის. ამავე წყაროს მიხედვით, პეპე 2012 წლამდე დარჩება კლუბში, ხოლო ამის შემდეგ, იგი აღარ გაახანგრძლივებს კონტრაქტს მადრიდელებთან.

სერხიო რამოსის კონტრაქტი კი ძალაში 2013 წლამდეა. მიუხედავად იმისა, რომ ესპანელი და პორტუგალიელი "ბლანკოსის" დაცვის ბურჯები არიან, მაინც შეეცდებიან ქალაქელები სატრანსფერო სასწაულის მოხდენას. ინგლისური პრესის თანახმად, ზემოთხსენებული ორი ფეხბურთელის სანაცვლოდ, "ლურჯები" 75 მილიონს ამზადებენ, რაც დამეთანხმებით და საკმაოდ მაცდური წინადადებაა.

სერხიო რამოსი შესანიშნავად იცავს "თეთრების" კარს და თავდასხმაშიც საკმაოდ აქტიურია. მისი საბაზრო ღირებულება 45 მილიონია ხოლო, 3 ნომრად ბოძებული მოთამაშის 30 მილიონი. ეს ინფორმაცია მხოლოდ და მხოლოდ ჭორის დონეზეა გავრცელებული, თუმცა უახლოეს მომავალში შესაძლებელია, რომ "სიტის" ზაჰავები ესპანეთში ვიხილოდ, რათა მადრიდელთა მცველების თაობაზე მოლაპარაკებები აწარმოონ.

ინფორმაციის წყარო: DefensaCentral.Com & SkySports.Com