როგორც იცით ჟოზე მოურინიოს შეგირდებს "ბერნაბეუზე" ჩატარებული შეხვედრებში 100%-იანი შედეგი აქვთ, ასეთივე შედეგი აქვს "რეალის" საკალათბურთო გუნდსაც...

ჟოზე მოურინიოს გაწვრთნილმა "რეალმა" წლევანდელ სეზონში "ლა ლიგაში" ჩატარებული 10, ჩემპიონთა ლიგის 3 და "კოპა დელ რეის" 4 საშინაო მატჩიდან ყველა მოიგეს. "ბლანკოსი" ერთადერთი გუნდია ესპანეთში,რომელსაც 100%-იანი შედეგი აქვს საშინაო არენაზე. ასეთივე შედეგი აქვს ეტორე მესინას გაწვრთნილ საკალათბურთო გუნდსაც. მათ საშინაო 17 შეხვედრიდან ყველაში გამარჯვება იზეიმეს.

უკანასკნელად "ბლანკოსს" ასეთი შედეგი 1992-1993 წლებში ჰქონდა. მადრიდელებმა მაშინ შინ ზედიზედ 13 მატჩში იზეიმეს გამარჯვება. ზუსტად იგივე შედეგი ჰქონდა საკალათბურთო გუნდს 4 წლის წინ 2006-2007 წლებში.

"ბლანკოსმა" "ბერნაბეუზე 57 გოლის გატანა მოახერხა,ხოლო საკუთარ კარში მხოლოდ 7 ბურთი მიიღო. ყველაზე დიდი ანგარიშით "რეალმა" "ლევანტე" დაამარცხა ანგარიშით 8-0, ასევე მათ 6-1 მოუგეს "დეპორტივოსაც" და "რასინგსაც".საკალათბურთო გუნდმა კი ყველაზე დიდი ანგარიშით "სპიროუ" დაამრცხა 94-45.