როგორც იცით წუხელ მადრიდის "რეალმა" "კოპა დელ რეის" განმეორებით ნახევარფინალურ მატჩში "სევილია" დაამრცხა 2-0 და 2004 წლის შემდეგ პირველად ითამაშებს ამ გათამაშების ფინალში...

მადრიდის "რეალი" არსებობის ისტორიაში 37-ჯერ გავიდა "კოპა დელ რეის" ფინალში, აქედან მადრიდელებმა 17-ში მოიპოვეს გამარჯვება. ამ შედეგით "მერენგები" საუკეთესოები არიან ესპანეთში. პირველად "ბლანკოსმა" 1903 წელს ითამაშა ფინალში და ბილბაოს "ატლეტიკთან" დამარცხდა 2-3. ხოლო პირველად "კოპა დელ რეი" 1905 წელს მოიგო. მადრიდელები კვლავ ბასკებს დაუპირისპირდნენ და 1-0 სძლიეს. უკანასკნელად "რეალმა" ფინალში 2004 წელს ითამაშქ და "სარაგოსასთან" დამარცხდა 2-3. ხოლო უკანასკნელად კი ჩემპიონები 1993 წელს გახდნენ. მათ "სარაგოსას" მოუგეს 2-0.

ჩატარებული ფინალებიდან ყველაზე დიდი ანგარიშით "რეალმა" "კასტილია" დაამრცხა 1980 წელს "ბერნაბეუზე" ანგარიშით - 6-1. ხოლო ყველაზე დიდი ანგარიშით 1916 წელს "ატლეტიკთან" დამარცხდნენ - 0-4. სულ მერენგებს აღნიშნული ჩემპიონატის ფინალში 54 გოლი აქვთ გატანილი,ხოლო საკუთარ კარში 53 ბურთი მიიღეს.

ყველაზე მეტჯერ "რეალი" ფინალში "ატლეტიკს" (8) და "ბარსელონას" (5) დაუპირისპირდა. "ბლანკოსმა" მადრიდში 9 ფინალი მოიგო, ბარსელონაში - 3,ხოლო ვალენსიაში - 2.


ინფორმაციის წყარო: realmadrid.com