როგორც იცით ჟოზე მოურინიომ "სევილიასთან" მატჩისთვის განაცხადში არ შეიყვანა პერდრო ლენი და ფერნანდო გაგო. ამის მიზეზი ის გახდა, რომ ამ ორ ფეხბურთელს შორის მოხდა უთანხმოება, რის შედეგადაც მათ იჩხუბეს.

ეს მოხდა დახურულ კარს მიღმა ვარჯიშის დროს. მოურინიოს ერთ-ერთმა ასისტენტმა ლუსომ გაგოს შემდეგნაირად მიმართა: "იმუშავე ისე, როგორც ამას პედრო ლეონი აკეთებს." ამ სიტყვებმა გააბრაზა გაგო და სავარაუდოდ დაპირისპირების მიზეზიც სწორედ ეს გახდა.

ესპანური გაზეთის Marca-ს ერთ-ერთ ნომერში დაიბეჭდა: "დაპირისპირება ფეხბურთელებს შორის ყოველთვის მინდორზე რჩება და ისინი კვლავინდებურად აგრძელებენ მეგობრობას, თუმცა ამ შემთხვევაში ყველაფერი პირიქით მოხდა." ლეონსა და გაგოს შორის კამათი ხმამაღალ საუბარში გადაიზარდა და მათ ურთიერთობის გაკრვევა გასახდელში გადაწყვიტეს.

თუმცა ჟოზე მოურინიომ პრობლემა მარტივად გადაჭრა. მან ორივე ფეხბურთელი გააძევა ვარჯიშიდან და როგორც ხედავთ, არც ფერნანდო გაგო და არც პედრო ლეონი დღევანდელ განაცხადში არ არიან.