ესპანურად სიტყვა "sin" ნიშნავს – გარეშე, "მადრიდის რეალი" კი ამ თამაშში სწორედაც რომ იყო გოლის, იდეეის, ჯანმრთელი ხაბი ალონსოს, მონდომების და ჰაერის გარეშე. შედეგად, სხვაობა "მადრიდის რეალსა" და "ბარსელონას" შორის 7 ქულაა

მოდით, თავიდან თამაშის ყველაზე დასამახსოვრებელი მომენტები გავიხსენოთ.

ერთი. თავიდანვე ყველაზე ცუდად დასამახსოვრებელი მომენტით დავიწყოთ. წაგება, რომელსაც თან ყველაფრის დამსხვრევა მოყვა.

მადრიდისკენ უკან მომავალ გზაზე თვითმფრინავში სრული სიჩუმე იყო დასადგურებული. არავინ არ ლაპარაკობდა. არც თუ ისე ბევრი მგზავრი იყო ჭამის ხასიათზე. ყველას სერიოზული გამომეტყველება ქონდა მიღებული.

ორი: ამ თამაშში, როგორც მოგეხსენებათ შედგა ემანუელ ადებაიორის დებიუტი. დებიუტის შემდეგ მის კლუბს თავს უზარმაზარი კრიტიკა დაატყდა, იმედია ის მზად იყო ამისთვის. მან თამაშის 1/3 ითამაშა და ამ დროის განმავლობაში ვერ მოახერხა რიკარდოს კარის დალაშქვრა

სხვა მხრივ სამმაგი ცვლილება ცოტსა მოულოდნელი იყო და ჩვენ ვიხილეთ, თუ როგორ იძლეოდა ხაბი ალონსო მითითებებს.

სამი: ამ თამაშში მოედანზე უამრავი რამ ცვიოდა, დაწყებული ბოთლებიდან, მაშხალებიდან და ჟურნალ–გაზეთებიდან, დამთავრებული თავად ბურთითაც. თამაშის შემდეგ კრიშტიანო რონალდოს საკუთარი უკმაყოფილება გამოხატა ყველაფერი ამით: "ის, რაც მოდანზე ხდებოდა ყოვლად წარმოუდგენელი იყო. ეს ფეხბურთია, თუ ბავშვთა სათამაშო მოედანი. მე ეს საერთოდაც არ მომწონს. რამოდენიმე დღის წინ, სწორედ მასეთი ბოთლი მოხვდა იკერ კასილასს თავში. ამგვარი გამოხტომები უნდა აილაგმოს." აქვე შეგიძლიათ ნახოთ, თუ რა სიტუაციაში უხდება ოზილს კუთხურიდან ბურთის ჩამოწოდება, ხოლო როცა სერხიო რამოსი გვერდითა ხაზიდან თამაშის გასანაახლებლად მირბის, ნათლად ჩანს, რომ მისკენ რაღაც უცნაური საგანი მოფრინავს. ქვედა სურათზე კი კრიშტიანო თავად ყრის მოედნიდან რაღაც სანათ მოწყობილობებს.

ბურთების შემოგდება კი ამ თამაშის ცალკე საუბრის თემაა. ეს საკითხი მატჩის არბიტრების მიერ მომზადებულ მოხსენებით ბარათში იქნა ჩაწერილი. თამაშის მეორე ნახევარში შეხვედრა რამოდენიმეჯერ სწორედ ადგილობრივი კლუბის მხარდამჭერების მიერ მეორე შემოგდებული ბურთის გამო გაჩერდა. ძირითადად ესეთი ინციდენტი მას შემდეგ ხდებოდა, რაც "ოსასუნამ" გოლი გაიტანა. შეხვერდა ოთხჯერ გაჩერდა ამის გამო. რამოდენიმე გულშემატკივარმა ტრიბუნებზე გადაგდებული ბურთი თავისთვის დაიტოვა და შემდეგში ზემოთხსენებული რამ განახორციელა.

ამას დამატებული ის ფაქტიც, რომ სწორედ "მადრიდის რეალის" სათადარიგოთა სკამის თავზე იყვნენ ყველაზე აქტიური გულშემატკივრები მოკალათებულნი და მთელი შეხვედრა უწმაწურ სიტყვებს იძახდნენ "თეთრების" მისამართით. მეტს რას უნდა ელოდო იმ ხალხისგან, რომლებიც მთელი თამაშის მანძილზე საკუთარი კლუბის მთავარ მწვრთნელს ხოსე ანტონიუ კამაჩოს უძახდნენ: "წადი მათთან ერთად, წადი მათთან ერთად" (მათ–ში "მადრიდის რეალს" გულისხმობდნენ, კამაჩოს ყოფილ კლუბს).

ოთხი. კრიშტიანო და ალვარო ეხმარებოდნენ არბიტრს იმის დათვლაში, თუ რამდენჯერ დაარღვიეს მათ წინააღმდეგ თამაში.

ხუთი: პირველი ნახევრის მიწურულს, კრიშტიანო რონალდოს მცირე შეკამათება ქონდა ვალტერ პანდიანთან. საბედნიეროდ მათი დაშოშმინება იქამდე მოხდა, სანამ სიტუაცია მთლად არ აირეოდა. ძალზედ მოსაწონი იყო , თუ როგორ აშორებს ხელის კვრით ოზილი კრიშტიანოს პანდიანს, ხოლო სერხიო მიდის კრიშტიანოსთან და როგორც ძმა ისე, ეუბნება, "მაგას თავი დაანებე, მოდი აქეთ".

ექვსი. მოუს კუთხე.

ამ სიბნელეში მისი სახე ძლივს ჩანს.

ჟოზე მოურინიოს წაგება ფეხბურთელებისთვის არ დაუბრალებია ("ჩემმა ფეხბურთელებმა მონდომებით ითამაშეს და მათთვის საყვედურის თქმის საბაბს ვერ ვხედავ") , არც მსაჯებზე დაუწყია ლაპარაკი ("მან ბრწყინავლედ იმუშავა"), ვინაიდან "ოსასუნამ" "ყველაფერი დადო , რისი დადებაც შეიძლებოდა". მისი ერთადერთი საყვედური ის იყო, რომ "ესპანეთში მაშინ, როცა გუნდი იგებს ბურთები რატომღაც იკარგება ან თავისით გადმოვარდება ხოლმე მოედანზე."

კარგი საყურებელი იყო, თუ როგორ იფარავდა იგი პირს კაშნეთი, მაგრამ როცა საუბარი უნდოდა, მაშინ იძულებული იყო კაშნე დაბლა ჩამოეწია.

შვიდი: ამჟამად კი უკეთეს მომენტებზე, დავიწყოთ ალვაროს მიერ კლუბის გოლისგან ხსნით. ამის შემდეგ იყო კარიმისა და კარლოს არანდას გადახვევა თამაშის შემდეგ.

რვა: ხაბი ალონსოს პოზები.™

ოოჰ, ისევ ხაბი!!!!

ხაბი...

ცხრა: იკერის პროფილი და მისი სახე.რომელიც ამბობს: "დაუჯერებელია, ეს ჩემი დაცვაა?"

ათი: კრიშტიანო და მისი მიმიკები. ორივე ვიხილეთ, თავის დაქნევაც და ქანავიც

თერთმეტი: თამაშის შემდეგ ფეხბურთელები ოპტიმისტურად იყვნენ განწყობილი (ნუ, მათ სხვა გზა არც ქონდა, გარდა ასეთი სიტყვების თქმისა, მაგრამ მე მირჩევნია დავიჯერო, რომ მათ კიდევ ჯერათ ჩვენი შანსების)

კრიშტიანო–ჩვენ პოზიტიურები უნდა ვიყოთ. ვიცი, ეს ძალიან ძნელია , მაგრამ მხოლოდ დადებითზე უნდა ვიფიქროთ. ჩვენ ვცდილობდით მთელი თამაშის მანძილზე, მაგრამ ვერ შევძელით მოგება.

არბელოა–ლა ლიგა არ დასრულებულა. ვიცით, რომ შვიდი ქულა საკმაოდ დიდი სხვაობა იმის გათვალისწინებით, თუ როგორი ლიგაა, მაგრამ წინ კიდევ ბევრი შეხვედრაა და ჩვენ დანებებას არ ვაპირებთ.

იკერი–შვიდი ქულა ძალიან მნიშვნელოვანი განსხვავებაა, მაგრამ არა კატასტროფული. ნათელია, რომ ჩამნოვრჩებით მეტოქეს, მაგრამ ეს სულაც არ ნიშნავს იმას, რომ ყველაფერი დაკარგულია. ჩვენ ვაპირებთ მუშაობის გაგრძელებას.

ხაბი–წინ ბევრი თამაშია სათამაშო და ბრძოლა უნდა გავაგრძელოთ.

თორმეტი: წინ და უკან.™

ცამეტი: მას საუკეთესო თამაში სულაც არ ჩაუტარებია, მაგრამ მისი წითელი ღაწვები ძალზედ მომხიბვლელია.

თოთხმეტი: მოგება თუ წაგება, ჩვენი ბიჭები მაინც ფანტასტიკურად გამოიყურებიან.

სერხიოს თმები ძალიან ბრწყინავს , არა?

თხუთმეტი: ამ დროს "კასტილიადან" შესანიშნავი ამბები გამოვიდა. მათ "ექსტრემადურა" 3:1 ანგარიშით დაამარცხეს მორატას, ხოსელუსა და "ექსტრამედურას" მცველის ავტოგოლის წყალობით. ვიმედოვნოთ, რომ ალვარო ბორხა მორატა მარტინსი გააგრძელებს პროგრესირებას და გოლების გატანას.

თექვსმეტი: წინ ყურება: დღეს დილით კლუბმა დახურულ კარს მიღმა ივარჯიშა, ეს იყო მათი პირველი მოსამზადებელი ვარჯიში კოპა დელ რეის 1/2 ფინალის განმეორებითი შეხვედრის წინ.

ვიცი, რომ წავაგეთ, ვიცი, რომ "ბარსელონასა" და "მადრიდის რეალს" შორის სხვაობა შვიდი ქულაა. ვიცი, რომ შესანიშნავი ფეხბურთი არ გვითამაშია, ვიცი, რომ დაღლილები გამოვიყურებოდით, ვიცი, რომ "ოსასუნას" წინააღმდეგ გოლის გატანაზე არც უნდა გვეოცნება,ვიცი, რომ დიდი წნეხის ქვეშ ვართ, ვიცი, რომ რამოდენიმე ტაქტიკური გათვლა არასწორი იყო და ისიც ვიცი, რომ "ბარსელონა" ფანტასტიკურად გამოიყურება.

მიუხედავად ამისა, არ მჯერა, რომ ლა ლიგა დასრულდა. მანამ ვერ დავიჯერებ, სანამ ბოლო მათემატიკურად არ დასრულდება ყველაფერი. საოცარი ამბები ხდება, შესაბამისად , სანამ "მადრიდის რეალს" მოგების მინიმალური შანსი მაინც ექნება, მანამდე ვერავინ საწინააღმდეგოში ვერ დამარწმუნებს. ჩემი რწმენა ამ კლუბის მიმართ შეურყეველია, ისევე როგორც ჩემი გულშემატკივრობა "თეთრების" მიმართ. ვიცი, ისინი არ დანებდებიან, სწორედ ამიტომაც არ ვაპირებ მეც დანებებას.

მოდით, არ დავივიწყოთ, რომ კიდევ ორ ჩემპიონატში ვმონაწილეობთ და თუ ეს სეზონი არ იქნება წარმატებული, მაშინ მომდევნოს დაველოდოთ. მთავარია ეს ბირთვი ჯამრთელი გვყავდეს, რომ მათ ერთად თამაშის ერთწლიანი გამოცდილება მაინც ქონდეთ.

და ბოლოს:

"ჩვენ ხომ "მადრიდის რეალის" გულშემატკივრები ვართ და არა რომელიმე სხვის"

ჰალა მადრიდ!...