კრიშტიანო რონალდომ და ალვარო არბელოამ მატჩის დასრულების შემდეგ კომენტარები გააკეთეს.

რონალდო:
"ვიცი, რომ ლა ლიგის მოგება ძალიან დიდ სირთულეებთან არის დაკავშირებული, თუმცა შანსი მაინც გვაქვს. იმედგაცრუებულები ვართ, მაგრამ დანებებას არ ვაპირებთ."

"მართალია კარგად ვერ ვითამაშეთ, თუმცა მოგებისთვის ყველაფერი გავაკეთეთ. "ოსასინას" ბედმა გაუღიმა. მათ მხოლოდ ერთხელ დაარტყეს და გოლიც გაიტანეს. ამის შემდეგ ისიმი მხოლოდ იმაზე ფიქრობდნენ, როგორ გაეყვანათ დრო."

"ამ შეხვედრამ გული დამწყვიტა. მდგომარეობიდან გამომიყვანა იმანაც, რომ რამოდენიმეჯერ სტადიონზე მეორე ბურთიც გადმოაგდეს. ეს ფაქტი განსაკუთრებით ცუდად მოქმედებს პატარა გულშემატკივრებზე, რომელთაც ფეხბურთის ყურება ახალი დაწყებული აქვთ."

არბელოა:
"ახლა სრულად ბარსელონაზე ვართ დამოკიდებული. ჩვენს შორის სხვაობა შვიდი ქულაა და ამ სხვაობის სემცირება ძალიან რთული იქნება."

"ნუ დაგვავიწყდება, რომ კიდევ ბევრი მატჩი გვაქვს ჩასატარებელი სხვადასხვა ტურნირზე. რაც ყველაზე მნიშვნელოვანია, ამ თვეში უნდა მოვახერხოთ კოპა დელ რეის ფინალში გასვლა."