მადრიდის "რეალის" მთავარმა მწვრთნელმა, ჟოზე მოურინიო, პამპლონაში გამგზავრების წინ პრესკონფერენცია გამართა...

"სამეფო კლუბს უკვე სამი ფორვარდი ჰყავს და ეს დამშვიდების საშუალებას მაძლევს. გონსალო იგუაინის ტრავმის შემდეგ წინა ხაზში მხოლოდ ბენზემა დარჩა და ეს სარისკო იყო. პიპიტას გახარებული შევხვდები, რადგან იგი ჩემი გუნდის განუყოფელი ნაწილია, მაგრამ მის გარეშეც არ გაგვიჭირდება, რადგან "ბლანკოსს" ადებაიორის დონის მოთამაშე შემოუერთდა. ტოგოელი ფეხბურთელი "რეალში" აუცილებლად მოიკიდებს ფეხს და დიდ დახმარებას გაუწევს გუნდს. კარიმი და ემანუელი აბსოლიტურად განსხვავებული მოთამაშეები არიან, მაგრამ გუნდისთვის ორივე საჭირო ფიგურაა. ტოგოელ ფეხბურთელს დეკემბრის შემდეგ არ უასპარეზია, მაგრამ იგი მაინც არის სათანადო ფორმაში."

"გონება მხოლოდ "ოსასუნასთან" შეხვედრაზე მაქვს ორიენტირებული და ვთვლი, რომ არც ისე იოლი მატჩის ჩატარება მოგვიწევს, მაგრამ გამარჯვება აუცილებელია. წინა შეხვედრა "სევილიასთან" გავმართეთ და ძალიან დავიღალეთ, მაგრამ ფეხბურთელებმა ყველაფერი გააკეთეს ენერგიის მაქსიმალურად აღსაღდგენად."

"რთულია თავდამსხმელისთვის ადგილის პოვნა, რომელიც სათამაშო პრაქტიკასაა მოკლებული, მაგრამ ადებაიორი აუცილებლად გაამართლებს, რადგან იგი მადრიდში დიდი იმედებით ჩამოვიდა. ტოგოელი ფეხბურთელისგან მხოლოდ საუკეთესოს ველი."

"რამდენიმე დღის წინ ხაბი ალონსოს ჯანმრთელობის მდგომარეობა დამაკმაყოფილებელი არ იყო, მაგრამ საბედნიეროდ ყველაფერი რიგზეა და იგი მოახერხებს "ოსასუნასთან" თამაშს."

"ის, თუ როგორი ურთიერთობა მაქვს ხორხე ვალდანოსთან არ არის მთავარი, უპირველესყოვლისა ფეხბურთელებთან უნდა მქონდეს კარგი დამოკიდებულება და უსიტყვოდ ვუგებდე მათ."

"არ აქვს მნიშვნელობა ვინ გამართავს წინასამატჩო პრესკონფერენციას, წინა შეხვედრასთან დაკავშირებით აიტორ კარანკამ ისაუბრა, მაგრამ ამ ყველაფერმა დიდი გამოხმაურება ჰპოვა. რატომ? ამაზე პასუხი თქვენთვის მომინდია, მაგრამ იცოდეთ, რომ რასაც აიტორი საუბრობს, ტყუილი არაფერი არ არის და არ აქვს მნიშვნელობა საპრესკონფერენციო დარბაზში მე ვიჯდები თუ ჩემი თანაშემწე.