როგორც მოგეხსენებათ, მადრიდის რეალისა და სევილიას დაპირისპირებაში პირველი ტაიმის ბოლო წუთზე, მსაჯმა ძალიან სასაკამათო გადაწყვეტილება მიიღო..

მაშ ასე, ლუიშ ფაბიანომ მოატყუა კასილასი, შემდეგ კი ცარიელ კარში დაარტყა. ბურთს ალბიოლი გადაეღობა, თუმცა ბოლომდე მაინც ვერ შეაჩერა. ბურთი ინერციით კარისკენ გაგორდა. მადრიდელთა მცველმა ისევ "ივაჟკაცა" და კარის ზოლზე მყოფი ბურთის გამოგდება შესძლო. მსაჯმა გოლი არ ჩათვალა.

განმეორებაზეც კი ძალიან რთული იყო საბოლოო გადაწყვეტილების მიღება.

ამ ეპიზოდს ძალიან დიდი გამოხმაურება მოჰყვა სევილიელების მხრიდან. ისინი თვლიდნენ, რომ ბურთმა გადაკვეთა კარის ზოლი. ხოლო მადრიდელებს მიაჩნდათ, რომ მსაჯმა სწორი გადაწყვეტილება მიიღო და გოლი არ იყო.

ესპანელმა ექსპერტებმა ვიდეო ანალიზი გააკეთეს და საბოლოოდ დაადგინეს ამ საკამათო თემის საბოლოო პასუხი. მაშ ასე, გ ო ლ ი არ იყო. მსაჯი სწორად მოიქცა, როცა ეს მომენტი მადრიდელთა სასარგებლოდ გადაწყვიტა.