სერხიო რამოსი ჟურნალისტებს შეხვდა და ოსასუნასთან გასამართ მატჩზე ისაუბრა.

"კოპა დელ რეიზე ფიქრი უნდა შევწყვიტოთ და ლა ლიგაზე გადმოვერთოთ. სამწუხაროდ ამ უკანასკნელში საკუთარ თავზე დამოკიდებულნი არ ვართ და შეცდომის დაშვების უფლება აღარ გვაქვს, ქულები არ უნდა გავანიავოთ, რადგან ამ შემთხვევაში შესაძლოა ლიდერთან ქულების სხვაობა გაიზარდოს."

"ოსასუნა საკუთარ მოედანზე ყოველთვის გვიქმნიდა პრობლემებს. რეინო დე ნავარა პატარა სტადიონია, თუმცა იქ შესანიშნავი ატმოსფერო სუფევს და გულშემატკივრები დიდ ზეწოლას ახდენენ ოპონენტებზე. თუმცა ჩვენ უნდა დავივიწყოთ ყველაფერი და მხოლოდ სამი ქულის მოპოვებაზე უნდა ვიყოთ ორიენტირებულნი."

"მართალია ოსასუნა ლა ლიგაში დარჩენისათვის იბრძვის, თუმცა ეს მათ არასერიოზულად მიღების უფლებას არ გვაძლევს, რადგან ისინი ერთი ქულისთვისაც კი შეუპოვრად იბრძოლებენ."

"ძალიან მსურს მესამეჯერ მოვიგო ლა ლიგა და აგრეთვე სხვა ორი ტიტული. კიდევ ბევრი მატჩია დარჩენილი და შესაძლოა ყველაფერი შევცვალოთ. მთავარია ყველა მატჩი მოვიგოთ და ნებისმიერ გუნდს სერიოზულობით მოვეკიდოთ."