ეს იყო ზედიზედ მეორე თამაში, რომელიც რეალმა კარიმის ერთადერთი გოლის წყალობით მოიგო. ფრანგის გოლი ძალიან სანახაობრივი გამოვიდა. მან ძალიან მარტივად შესძლო ორი მეტოქის ჩამოცილება და ბურთი მეტოქის კარში გაგზავნა. ბენზემას პროგრესს მოურინიოც აღნიშნავს. ჟოზემ ერთერთ ინტერვიუში განაცხადა - " ბენზემა ძალიან ბევრს ვარჯიშობს. დარწმუნებული ვარ, თუ კარიმი ამ ტემპში გააგრძელებს მუშაობას, აუცილებლად დაიწყებს გოლების გატანას". როგორც ჩანს, ჟოზეს სიტყვები სრულდება. მადრიდელთა 9 ნომრის პროგრესი აშკარაა. ადებაიორის ტრანსფერის შემდეგ, ასეთ სიტუაციაში ძალიან საინტერესო იქნება, კარიმის და ემანუელის დუელი ძირითადი შემადგენლობისთვის. შეიქმნება კონკურენცია. ეს კი ყოველთვის კარგ შედეგს იღებს. დარწმუნებული ვარ ეს ფეხბურთელები ყველაფერს გააკეთებენ, რათა ჟოზეს აჩვენონ თავიანთი საუკეთესო თამაში.

გუშინ, ესპანელმა საფეხბურთო ექსპერტმა ალფრედო რელანომ თავის ბლოგში კომენტარი გააკეთა ამ თემაზე - " დარწმუნებული ვარ, ადებაიორის ტრანსფერი სასარგებლოდ წაადგება ბენზემას. არამგონია ფრანგი სათადარიგო სტატუსს დასჯერდეს, ამიტომ ის უბრალოდ ვალდებულია უკეთესად ათამაშდეს". ბოლოს უბრალოდ დავამატებ, რომ იმედია ბენზემა სწორ გზას ადგას, ჩადგება ფორმაში და მალე ვიხილავთ კარიმს, რომელიც "თეთრების" ერთერთი ლიდერი გახდება და რეალს კიდევ ბევრ გამარჯვებას მოუტანს..


ავტორი: dato818