მადრიდის ”რეალმა” გამართა მორიგი ვარჯიში და ძალიან სერიოზული მომზადება გაიარა სამეფო თასის 1/2 ფინალური შეხვედრისთვის, რომელსაც სამეფო კლუბი ”სევილიასთან” გამართავს. ივარჯიშა 23-მა ფეხბურთელმა, რომელთა რიცხვშიც სამი ხედირაც მოხვდა.

სილვინო როუნომ იკერ კასილასი და ადანი ავარჯიშა. შემდეგ გუნდი ორ ჯგუფად გაიყო და ბიჭებმა მოთელვა გააკეთეს. კრიშტიანო, ბენზემა, მარსელო, ალონსო, გრანერო, დი მარია, კარვალიო და რამოსი რუი ფარიას მეთვალყურეობის ქვეშ იყვნენ, ხოლო ალბიოლს, გარაის, კაკას, ოზილს, ლასს, მატეოსს, კანალესს, პედრო ლეონს, გაგოს, მამადუს და ხედირას კი სანტი ლოზანო ავარჯიშებდა.

როგორც ზემოთ წაიკითხეთ, სამი ხედირამ სრული დატვირთვით ივარჯიშა და ის სავარაუდოდ შესძლებს თამაშს, ხოლო რაც შეეხებათ პეპეს, დუდეკს და იგუაინს, ისინი კვლავ ლაზარეთში რჩებიან.


წყარო:realmadrid.com