პრიმერა დივიზიონის პირველი წრე 22 გატანილი გოლითა დაასრილეთ. თუ ამავე ტემპით გააგრძელებთ, მაშინ პიჩიჩის ტიტულს 46 გოლით მოიგებთ. ეს ახალი რეკორდი იქნება. გმატებთ არის თუ არა დამატებითი მოტივაციას ზარასა და უგო სანჩესის მიერ ერთ სეზონში 38 გატანილი გოლის რეკორდის მოხსნის პრესპექტივა?

მე სულაც არ ვთამაშობ იმისთვის, რომ რეკორდები დავამხო. ამაზე საერთოდ არ ვფიქრობ. ერთადერთი, რაც მე გონებაში მაქვს ეს სეზონის განმავლობაში ჩემი პროფესიონალიზმისა, სათამაშო ფორმის ამაღლება და "მადრიდის რეალისთვის" დახმარების გაწევაა. ციფრები საერთოდ არ მაინტერესებს, მაგრამ კმაყოფილი ვიქნები, თუ ყველაფერთან ერთად თქვენს მიერ ხსენებულ რეკორდსაც მოვხსნი.

უყურებთ თუ არა ბომბარდირთა ცხრილს ყოველი თამაშის შემდეგ იმის სანახავად, თუ რომელ პოზიციაზე იმყოფებით თქვენ და თქვენი მეტოქეები?

მე , ზემოთაც გითხარით, რომ კონცენტრირებული ვარ მხოლოდ და მხოლოდ კარგად მუშაობაზე, რათა დავეხმარო ამ კლუბს. ამის შემდეგ კი, თუ პიჩიჩის ტიტულს მოვიგებ, ეს ნამდვილად არ მეწყინება, მაგრამ თუ მომიწევს არჩევნის გაკეთება პიჩიჩობასა და ჩემპიონობას შორის, მაშინ აშკარაა, რომ მეორე მათგანს ავირჩევ.

გასახდელში რა ენაზე ლაპარაკობთ, ესპანურად თუ პორტუგალიურად?

გასახდილში სამ თუ ოთხ ენაზე ვლაპარაკობ (იცინის). კარგად თუ ცუდად, ვფლობ ინგლისურ, ესპანურ, პორტუგალიურ, რაღაც დოზით ფრანგულს და რამოდენიმე სიტყვას გერმანულად. სიმართლე კი ის არის, რომ გასახდელში შესანიშნავი ატმოსფეროა.

ითქვა, რომ რაც მწვრთნელმა გააკეთა "ვილიარეალთან" შეხვედრისას შესვენებაზე წარმოუდგენელი იყო-მან თქვენ ტაქტიკური ცვლილებები წყლის ბოთლების დახმარებით აგიხსნათ.

(მცირე ხანს ფიქრობ და მერე იცინის) ეტყობა თქვენ ინფორმაციის კარგი წყარო გყავთ (იცინის)! დარწმუნებული ვარ იმაზე, რაც გასახდელში ხდება არასდროს არ უნდა ვისაუბროთ! ამა ლაპარაკისგან თავს შევიკავებ. ერთადერთი, რასაც ვიტყვი არის ის, რომ მწვრთნელს სურდა ჩვენ თამაში გაგვეუმჯობესებინა და ამიტომაც მას შეეძლო ყველა ღონე ეხმარა ჩვენთვის საკუთარი შეხედულებების გადმოსაცემად.

იღებს თუ არა თქვენს დასაცავად მოურინიო საკუთარ თავზე მთელ ყურადღებას და ზეწოლას პრესისგან?

დიახ, მოუს ბევრჯერ მოუხსნია ზეწოლა ჩემგან და აუღია საკუთარ თავზე, ეს მე ძალიან მახარებს. ეს ჩემთვისაც კარგია, ვინაიდან ისაა მწვრთნელი, რომელიც ბევრის ყურადღებას იპყრობს, ასევე მას შეუძლია ისეთი თემების წინა პლანზე წამოწევა, რომლებიც ბევრ დებატებს მოითხოვენ. მათ შეუძლიათ ცუდის და კარგის თქმა, მაგრამ ყველაზე მთავარი ისაა, რომ მასზე ლაპარაკობენ და არა ფეხბურთელზე.

რამდენადაა გამართლებული ის კრიტიკა, რასაც მოურინიო ღებულობს? დღე არ გავა, რომ მის გარშემო რამე დებატები არ წარმოიშვას.

ხალხს შეუძლია ის თქვას, რაც მოსწონს, მაგრამ ისინი არ იცნობენ მათ. ზოგჯერ ბევრს ვიცინივარ, ვინაიდან იმდენ სისულელეს წაიკითხავ ხოლმე ამ გაზეთებში, რომლებიც სავსებით მოკლებულია რეალობას. ესაა მოსაზრებები, ჩვენ კი დემოკატიულ ქვეყანაში ვცხოვრობთ, სადაც ნებისმიერს შეუძლია საკუთარი აზრის გამოხატვა. მე ბევრი ასეთი რამ არ წამიკითხავთ, მაგრამ იმათგან, რომლის წაკითხვაც მოვასწარი ბევრი არარეალური და უსამართლო იყო. ეს ფეხბურთის და მისი ხასიათის ნაწილია.

გვითხარით როგორ ექცევა მოურინიო საკუთარ ფეხბურთელებს?

ის იცავს საკუთარ შეგირდებს და ბევრს გველაპრაკება. ჟოზე ძალიან გახსნილი პიროვნებაა და ყოველთვის უსმენს შენს აზრს. ხშირად ერთმანეთში დებატებიც გაგვიმართავს. მიყვარს მასთან ერთად მუშაობა. ურთიერთობა მოურინიოსა და ყველა ფეხბურთელს შორის უბრალოდ ბრწყინვალეა. იმედი მაქვს ასე გაგრძელდება დიდი ხნის მანძილზე.

შეგიძლიათ მასთან კამათი?

(ფიქრობს) დიახ. შეგვიძლია ვიკამათოთ გუნდზე. შეიძლება ის არ დაგეთანხმოს , შეიძლება გაითვალისწინოს შენი აზრები, მაგრამ რაც მთავარია, ის ყველას უსმენს.

არის თუ არა მსგავსება თქვენსა და მოურინიოს შორის?

დიახ და ძალიან ბევრი. ეხლა, როცა მასთან მუშაობამ მომიწია, შევამჩნიე, რომ მოუსა და ჩემს შორის დიდი მსგავსებაა, იმაზე მეტი, ვიდრე წარმომედგინა. მიყვარს ისეთ ამბიციურ პიროვნებებთან მუშაობა, როგორიც ჟოზეა. მას სულ მოგება სურს. ეს მე უფრო მხიარულს მხდის და მომწონს.

ისურვებდით თუ არა "მადრიდის რეალის" კაპიტონობას?

ეს ჩემთვის დიდი პატივი იქნებოდა, მაგრამ ესაა არაა ის, რაც მე მიზიდავს. თავს ლიდერად არ ვთვლი. ჩვენ ყველას ჩვენი პიროვნულობა და ხასიათი გაგვაჩნია. მე სხვა მხრივ შემიძლია ვიყო ლიდერი. თავს მნიშვნელოვან ფეხბურთელად ვგრძობ და შესაბამისად შემიძლია ლიდერი მხოლოდ ჩემს საქმეში ვიყო.

ბენზემა იგუაინის არ ყოფნაში ვერა და ვერ შედის ფორმაში, რას იტყვით მასზე?

ჩემი პირადი მოსაზრებაა, რომ ბენზემა არ იმსახურებს იმ რაღაცეებს, რაც მასზე ითქვა და დაიწერა. თუ მის წინა თამაშებს გაანალიზებთ დაინახავთ, რომ ის ცდილობს , ბრძოლობს. ზოგჯერ ყველაფერი ისე არ ხდება, როგორც გვინდა, მაგრამ კარიმი ჩვენთვის ძალიან ბერვრს აკეთებს.

შეგიძლია ასწავლო, თუ როგორ გახდეს ამბიციური, ეჭვი არავის ეპარება, რომ ის ძალიან ნიჭიერია, მაგრამ მოედანზე ისე ჩანს, თითქოს მისთვის სულ ერთია.

ყველა პიროვნებას საკუთარი ხასიათი აქვს, ის ცუდად არ გამოიყურება. ჩემი აზრით, კარგად მუშაობს, ნელ–ნელა აუმჯობესებს, გუნდს ეხმარება და ბოლო თამაშებში ძალიან პროდუქტიული იყო. ბენზემა ცდილობს და სულაც არაა საჭირო მასზე ზეწოლა განვახორციელოთ.

გჯერათ, რომ "მადრიდის რეალში" ის ბევრს მიაღწევს?

რატომაც არა? მისთვის უკეთესი იქნება, თუ მშვიდ გარემოში მოუწევს მუშაობა და არა ისეთში, როცა მასზე სულ რაღაცეები იწერება.

ვისთან უფრო კომფორტულად გრძნობ თავს, ბენზემასთან თუ იგუაინთან?

სიმართლე გითხრათ, ორივესთან! გეფიცებით (იცინის)! ზოგჯერ არიან ისეთი ფეხბურთელები, რომლებთან თამაში უფრო გიხარია. მე ორივე მათგანი მომწონს. ისინი ფეონენამლური ბიჭები არიან, ასე რომ არანაირი საჭიროება არაა რომელიმე მათგანი ავირჩიო. მოურინიომ იცის ჩემი აზრი ამასთან დაკავშირებით.

ახალგაზრდა ფეხბურთელებიდან , რომელია შენნაირი, ვინც შენ გბაძავს?

მე არ ვხედავ ვინმე ისეთს, ვინც ჩემი სპეციფიკური ხასიათით მე მგავს. აქ ძალიან ბევრი ბრწყინვალე ფეხბურთელია. "მადრიდის რეალში" ჩვენ გვყავს დი მარია, ოზილი, კანალესი...

რას ფიქრობთ კანალესზე?

ის ბრწყინვალეა, მაგრამ მას უფრო მეტი დრო ჭირდება, ვინაიდან ეხლა იზრდება. მომავალში ფანტასტიკური ფეხბურთელი გახდება.

შეუძლია თუ არა გახდეს სუპერვარსკვლავი?

დიახ, თუ მას აცლიან ზეწოლის გარეშე მუშაობას. მას ვარსკვლავური ნიშან–თვისებები გააჩნია,რაც ვარჯიშის დროს თითოეულ ჩვენგანს გვაოვებს, მაგრამ ჯერ კიდევ ბევრი უნდა ისწავლოს. მე ის ძალიან მომწონს.

გაოცებთ თუ არა დი მარიას თამაში?

დიახ, მაგრამ რომ გითხრათ ძალიან გავოცდითქო არა, ვინაიდან როცა კონტრაქტზე ხელი მოაწერა, მაშინ უკვე ვიცოდი, თუ რაოდენ ნიჭიერი ფეხბურთელი მოვიდოდა. ის ერთ–ერთია იმათგან,ვინც ყველაზე მეტს მუშაობს და ვარჯიშობს კლუბში. დიდ კლუბებს ყოველთის ჭირდებათ მისი მსგავსი ფეხბურთელები.

იმ კანტერანოებს შორის, რომლებიც თქვენთან ერთად ვარჯიშობდნენ, თქვენი აზრით, ვინ წავა უფრო შორს?

რამდენჯერმე რამოდენიმე კანტერანო ვნახე, რომლებსაც დიდი პოტენციალი გააჩნიათ. მორატა კარგი ფეხბურთელია: ახალგაზრდაა, დიდია და ბევრს სწავლობს, შესაბამისად მომავალში ბრწყინვალე ფეხბურთელი დადგება ასევე ვხედავ პოტენციალს ხუანფრანში და მატეოსში.

ხესე თუ ნახეთ?

მე ბევრი მათგანი ვნახე, მაგრამ ჩემთვის ძალიან ძნელი თითოეული მათგანის სახელის დამახსოვრება.

კაკამ "ალმერიასთან" შეხვედრა ძირითადში დაიწყო. სანამ ტრავმას მიიღედა თქვენ და კაკა ძალიან კარგად უგებდით ერთმანეთს, როგორც მოედანზე , ასევე მის გარეთ. ეხლა თავს როგორ გრძნობს?

ის მადრიდიტებს ბევრ სიხარულს მოუტანს. ძალიან ბევრს მუშაობს უწინდელი ფორმის დასაბრუნებლად და დარწმუნებული ვარ, ის წარმატებას მიაღწევს. თუ ტრავმა არ მიიღო, კაკა ჩვენთვის ძალზე მნიშვნელოვანი ფეხბურთელი გახდება.

კასილასთან კარგი ურთიერთობა გაქვთ?

დიახ. არ მესმის, როცა ასეთ რაღაცეებს ამბობენ ჩემზე. როცა ამბობენ, რომ მე არ ვთამაშობ კარგად, ან რომ მე იდიოტი ვარ, სავსებით მისაღები და გასაგებია ჩემთვის, ვინაიდან ეს მოსაზრებებია, მაგრამ როცა ასეთ რამეს ამბობენ (კასილასის და მას შორის დაძაბული ურთიერთობის შესახებ გავრცელებულ ხმებს გულისხმობს), ეგ უკვე ძალიან მწყინს. ვერ გამიგია საიდან მოაქვთ.

რა რეაქცია გქონდათ, როცა გაიგეთ, რომ თითქოსდა თქვენ და იკერი ერთმანეთს არ ელაპარაკებით?

შოკირებული ვიყავი. ეს შესაძლებელია? მე კარგად ვგრძნობდი თავს, გოლები გამქონდა, ჩემი ოჯახიც კარგად იყო და შემდეგ ესეთი რამე მოხდა. ეს საოცარი სისულელე იყო. მე მასაც ველაპარაკე ამაზე.

იმ დღეს, როცა სარა კარბონერომ, როგორც ჟურნალისტმა თქვენ გაგაკრიტიკათ, თქვენ და იკერმა ამაზე SMS–ებით ხუმრობები შეწყვიტეთ, არა?

იმ წუთშივე ვისაუბრეთ ერთმანეთში და ყველაფერი გავარკვიეთ. ეს იყო გაუგებრობა ჩემი მხრიდან, ისევე როგორც იკერისა და მისი მეგობარი გოგოს მხრიდან, მაგრამ ეს სავსებით ნორმალურია. ჩვენ ვილაპრაკეთ და ყველაფერი გავარკვიეთ. არანაირი დრამატიზების საჭიროება არ არსებობს. ჩვენ კარგი ურთიერთობა გვაქვს. მე და იკერს, ისევე როგორც, მე და იკერის მეგობარ გოგოს, შესანიშნავი დამოკიდებულება გვაქვს ერთმანეთის მიმართ.