მადრიდის "რეალი" ფორვარდის ძიებაშია, ფლორენტინო პერესის ფავორიტი რუუდ ვან ნისტელროია, რომელიც ამჟამად გერმანული "ჰამბურგის" ღირსებას იცავს...

სატრანსფერო ფანჯრის დახურვამდე ერთ კვირაზე ცოტა მეტი რჩება, ამიტომ ვნებათაღელვა იმატებს და ფლორენტინო ფორვარდის შეძენას აჩქარებს. დღეს გავრცელებული ინფორმაციით "ბლანკოსის" ხელმძღვანელობამ ჰამბურგელებს 2 მილიონი ევრო შესთავაზა ჰოლანდიელი გოლეადორის სანაცვლოდ.

ასევე დღეს კიდევ ერთი საინტერესო ინფორმაცია გავრცელდა. 2 მილიონთან ერთად ხორხე ვალდანომ და თანამებრძოლებმა გერმანელებს 3 მაქსიმუმ 4 დღე მისცეს მოსაფიქრებლად იმიტომ, რომ თუკი რუუდი "რეალში" არ გადმოვა, მაშინ სამეფო კლუბი სასწრაფოდ ეცდება სხვა ფორვარდის შეძენას, რადგან გუნდს წინა ხაზში აშკარა პრობლემები აქვს.

მაშ ასე, ასრულდება თუ არა "ვან გოლის" ოცნება, ამას სულ რამდენიმე დღეში გავიგებთ. იმედი ვიქონიოთ, რომ ჰოლანდიელი გოლეადორი "ბლანკოსის" მაისურს კვლავ მოირგებს.