ძალიან კმაყოფილი ვარ შედეგით. ნამდვილად ვერ ვიტყვი, რომ ეს რთული შეხვედრა იყო. ჩვენ მთელი მატჩის განმავლობაში ვცდილობდით მოწინააღმდეგეს შეტევების ჩაშლას. ისეთ გუნდთან, როგორიც ატლეტიკოა, ძალზედ რთულია სტუმრად გამარჯვების მოპოვება, თუმცა ჩვენმა ფეხბურთელებმა შესანიშნავად ითამაშეს და დაიმსახურეს გამარჯვება.

მე და მოურინიოს შესანიშნავი ურთიერთობა გვაქვს. ჩვენ ადამიანები ვართ და ბევრ საკითხთან დაკავშირებით სხვადასხვა აზრი გაგვაჩნია, მაგრამ ეს არ ნიშნავს იმას, რომ ჩვენს შორის კონფლიქტია. ჟოზე თვლის, რომ აუცილებელია ფორვარდის დამატება, ამიტომაც ვცდილობთ მაღალი კლასის თავდამსხმელი მოვიყვანოთ გუნდში, მაგრამ ეს არც ისე ადვილია. იმედი მაქვს ეს პრობლემა მალე გადაწყდება.

ბენზემა ძალიან სასარგებლო ფეხბურთელია. მას უფრო მეტი დრო სჭირდება, რათა საუკეთესო ფორმაში ჩადგეს, მაგრამ ამჯერად მწვრთნელმა გადაწყვიტა, რომ კარიმი არ იყო საჭირო მოედანზე. როგორც ხედავთ, ის მართალი აღმოჩნდა. ჩვენ შევძელით შემდეგ ეტაპზე გასვლა.


ინფორმაციის წყარო: realmadrid.com