ჩელსიმ რამოსის შეძენა მოინდომა
ლონდონის "ჩელსი" დაინტერესებულია რამოსის შეძენით...
გავრცელებული ინფორმაციით, ინგლისური კლუბის მფლობელს, რომან აბრამოვიჩს რამოსის სანაცვლოდ 40 მილიონი ევროს გადახდა აქვს გადაწყვეტილი, ხსენებული თანხა არც ისე პატარაა.
ესპანელი ფეხბურთელი უკვე დიდი ხანია მადრიდის "რეალის" ღირსებას იცავს, მართალია იგი სევილიელია, მაგრამ თავს ნამდვილ მადრიდისტად თვლის, რადგან სამეფო კლუბის ვიცე-კაპიტანია.
ამ საკითხთან დაკავშირებით "ბლანკოსის" ხელმძღვანელობას არანაირი კომენტარი არ გაუკეთებია, მაგრამ ნათელია, რომ ლონდონელ არისტოკრატებს რამოსის შეძენა ძალიან გაუჭირდებათ, ვინაიდან სერხიო "რეალის" ერთ-ერთი შეუცვლელი ფიგურაა. ამას ემატება ისიც, რომ ახალგაზრდა მოთამაშე გულშემატკივრებსაც ძალიან უყვართ.
ასეთი შეთავაზება ფლორენტინო პერესს და ხორხე ვალდანოს 1 წლის წინაც ჰქონდათ, მაგრამ მათი გადაწყვეტილებით სერხიო "თეთრებში" დარჩა.
- 19 იანვარი 2011
- 2 083
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
