მადრიდის "რეალმა" "ჰამბურგთან" რუდ ვან ნისტელროის ტრანსფერზე მოლაპარაკებები წარუმატებლად დაასრულა და სამეფო კლუბი კვლავ ფორვარდის ძიებაშია. ამჟამად "ბლანკოსს" კარლოს ტევესს უკავშირებენ. Marca–ს ჟურნალისტის ცნობით, არგენტინელის ფასი 40მილიონი ევროა, რაც "ქალაქელების" ხელმძღვანელობას აკმაყოფილებს.

ტევესს მანჩესტერ "სიტის" მთავარ მწვრთნელთან რობერტო მანჩინთან კარგი ურთიერთობა ნამდვილად არ აქვს. მას ინგლისურ კლუბთან კონტრაქტი ზაფხულამდე აქვს, მაგრამ შესაძლოა გუნდი ამ თვეშივე დატოვოს. კარლიტოს ალტერნატივა მისივე თანამემამულე სერხიო აგუერო და ფერნანდო ლორენტეა.


ინფორმაციის წყარო: marca.com