მიუნხენის ”ბაიერნის” ძალიან გამოცდილი ფორვარდი, მიროსლავ კლოზე მადრიდის ”რეალის” ინტერესთა სფეროში არის მოქცეული.

როგორც ვიცით, მადრიდის ”რეალი” გონსალო იგუაინის ღირსეულ შემცვლელს ეძებს. ზამთარში კი კლოზეს კანდიდატურა ყველაზე რეალურია და ერთ-ერთი მთავარი საიმზნე სწორედ ის გახლავთ.

32 წლის ფორვარდი ცდილობს გერმანულ კლუბში ადგილის დამკვიდრებას, თუმცა ამას ვერ ახერხებს მარიო გომესის შესანიშნავი ფორმის გამო. ასე, რომ ძალიან დიდი ალბათობაა იმისა, რომ მირო თეთრ მაისურში ვიხილოთ.

ფეხბურთელის აგენტმა დაადასტურა, რომ მისი კლიენტით სამეფო კლუბი არის დაინტერესებული.

”მიროსლავის შეძენა ბევრ გუნდს სურს. მათ შორის არის მადრიდის რეალიც, მაგრამ ამ მომენტისთვის მირო ”ბაიერნის” წევრია. ვნახოთ რა იქნება მომავალში”.

შეგახსენებთ, რომ კლოზეს თავის გუნდთან კონტრაქტი წელს უმთავრდება, რითაც შეგვიძლია დავასკვნათ, რომ მისი სატრანსფერო ფასი არ იქნება ძალიან ძვირი.


წყარო:goal.com