ჟოზე მოურინიომ მადრიდული დერბის წინ პრესკონფერენცია გამართა, სადაც განაცხადა, რომ იგი აუცილებლად მიმართავს რამდენიმე ექსპერიმენტს. ექსპერტთა აზრით პორტუგალიელის პირველი ცდა რიკარდო კაკას ცენტრ ფორვარდად გამოყენება იქნება...

კარიმ ბენზემა უკვე რეგულარულად ხვდება ძირითადში იქიდან გამომდინარე, რომ გონსალო იგუაინმა ტრავმა მიიღო და მის გამოჯანმრთელებას დიდი დრო უნდა.

ფრანგმა ფეხბურთელმა ვერ გაამართლა გაცემული ავანსები, იგი ყველა მატჩში ინერტულად გამოიყურება და სასტარტოში ადგილს კარგავს. ამ ეტაპზე "ბლანკოსს" ბენზემას გარდა ფორვარდის პოზიციაზე მხოლოდ "კასტილიელი" მორატა ჰყავს.

ესქპერტთა აზრით "ატლეტიკოს" წინააღმდეგ კარიმ ბენზემა სათადარიგოთა სკამზე იქნება და სასტარტოში მას რიკარდო კაკა ჩაანაცვლებს. რიკი სუფთა წყლის გამთამაშებელია, მაგრამ გასაჭირის დროს მისი თავდამსხმელად გამოყენებაც შეიძლება.


ეს ყველაფერი კარგი, მაგრამ მადრიდის "რეალის" პრეზიდენტს ისე გაუჭირდა, რომ ერთი კარგი ფორვარდის შეძენას ვეღარ ახერხებს? ეს ძალიან არარეალურია, გუნდი პრეტენზიას ლა ლიგისა და ჩემპიონთა ლიგის მოგებაზე აცხადებს და კარიმ ბენზემას მეტი ფორვარდი არ ჰყავს.