ჟოზე მოურინიომ წინასამატჩო პრესკონფერენცია გამართა. პორტუგალიელმა ხვალინდელ მატჩზე და იგუაინის ოპერაციაზე ისაუბრა.

"იგუაინის ოპერაციამ კარგად ჩაიარა. როცა "ჩელსის" ვწვრთნიდი, ჯონ ტერიმ გაიკეთა ანალოგიური ოპერაცია და ყველაფერმა ნორმალურად ჩაიარა. კლინიკური ჩარევა და რეაბილიტაცია ერთმანეთისგან განსხვავდება. გონსალო ისევ გაემგზავრება რამოდენიმე თვეში და ამის შემდეგ, კიდევ ორ თვეს ითამაშებს, მაგრამ ვფიქრობ, რომ მომავალ სეზონამდე უმაღლეს დონეზე თამაშს ვერ შეძლებს. კლუბს, ფეხბურთელებს, მის ოჯახს და მე გვსურს, რომ პიპიტა მალე გამოჯანმრთელდეს და მანამდე ჩვენ მის გვერდში ვიქნებით".

"ტრანსფერების საკითხებს კლუბის პრეზიდენტი წყვეტს. მე გავაგრძელებ მუშაობას იმ შემადგენლობით, როგორიც მყავს. იგუაინი დაგვაკლდება, მაგრამ სხვას მიეცემა თავისი შესაძლებლობების გამოვლენის შანსი. არ არსებობს უნაკლო გუნდი, მაგრამ ამჟამად ძალიან კარგი შემადგენლობა გვყავს".



"კაკას დაბრუნება წარმატებული გამოდგა. მისი დებიუტი მიმდინარე სეზონში "ხეტაფესთან" შედგა, სადაც გამარჯვების მოპოვება მოვახერხეთ."ლევანტესთან" მატჩი მისთვის არაფერს ნიშნავდა, ხოლო მესამე შეხვედრაში "ვილიარეალის" წინააღმდეგ მოედანზე მისი გამოყვანა სწორი და შედეგიანი გადაწყვეტილება გამოდგა. როტაციისთვის საკმარისი ფეხბურთელები გვყავს. ცხადია, იანვარში გასამართ ცხრავე შეხვედრაში ერთნაირი შემადგენობა არ იქნება. მომავალ თამაშებში რამოდენიმე ექსპერიმენტი მაქვს დაგეგმილი, რადგან შემდეგ თვეში ურთულესი მატჩები გველის და ამის გაკეთებას ვერ შევძლებ".




"ატლეტიკოს ფეხბურთელები ყველაფერს გააკეთებენ, რათა წარმატებას მიაღწიონ. მათ შესანიშნავი მწვრთნელი ჰყავთ და ძალიან კარგ ფეხბურთსაც აჩვენებენ. შესაძლებელია ალიკანტეში განცდილი მარცხი, სასარგებლოთაც წაადგეთ. ისინი ორმაგად მოტივირებულნი იქნებიან. ვგონებ, ძალიან დაძაბული შეხვედრა იქნება".


ინტერვიუს ბოლოს, ჟოზემ ვილიარეალის ფეხბურთელ კანზე გააკეთა კომენტარი. შეგახსენებთ, რომ წინა შეხვედრაში ვილიარეალის ფეხბურთელმა ჯოზეს ბოთლი ესროლა. მსაჯმა ფეხბურთელს წითელი ბარათი უჩვენა, ხოლო ესპანეთის ფედერაციამ ეს გადაწყვეტილება გააუქმა.

ამ ეპიზოდის ვიდეო


"გახარებული ვარ, რომ კანის წითელი ბარათი გაუქმდა. ის მნიშვნელოვანი ფეხბურთელია "ვილიარეალისთვის". სამეფო თასზე მათ მნიშვნელოვანი მატჩი ელით. თუმცა, ჩემს ფეხბურთელს რომ ესროლა ვინმესთვის ბოთლი, სამთვიან დისკვალიფიკაციას მიიღებდა. მან უსაფუძვლოდ მესროლა ბოთლი. მე არ ვაპირებდი მის გაღიზიანებას".


ინფორმაციის წყარო: realmadrid.com
სტატიის ავტორი: dato818