მანჩესტერ "სიტის" არგენტინელმა ფორვარდმა, კარლოს ტევესმა განაცხადა, რომ მისი მომავალი ზაფხულში გადაწყდება და ზამთრის სატრანსფერო ფანჯრის დროს იგი ინგლისში დარჩება...

"მე "სიტის" მოთამაშე ვარ და ჯერ-ჯერობით არ მსურს კლუბის გამოცვლა, ინგლისში მინიმუმ ზაფხულამდე დავრჩები. პრემიერ ლიგაში ჩემი გუნდი ბრწყინვალე შედეგებს აჩვენებს და ვფიქრობ, ჩემპიონობა შეგვიძლია, ამისათვის საჭიროა მონდომება და თითოეული მატჩის წარმატებით დასრულება."

"ჩემით რამდენიმე გრანდია დაინტერესებული, რაც რა თქმა უნდა მიხარია, მაგრამ ჯერ-ჯერობით არსად წასვლას არ ვაპირებ, პრემიერ ლიგის მოგება მანჩესტერულ გუნდთან ერთად მსურს და ახლა კლუბის გამოცვლა ჩემთვისაც და ჩემი გუნდისთვისაც ცუდი იქნება."

"ჩემი მიზანია რაც შეიძლება ბევრი გოლის გატანა და ინგლისის ჩემპიონატის საუკეთესო ბომბარდირობა."

"ახლა კარგ ფორმაში ვიმყოფები და ვთვლი, რომ მომატება კიდევ შემიძლია, ყველაფერს ვაკეთებ იმისათვის, რომ თავი საუკეთესოდ წარმოვაჩინო."