უახლოეს მომავალში მადრიდის "რეალი" მანჩესტერ "სიტის" ემანუელ ადებაიორის არენდით აყვანაზე შეთავაზებას გაუკეთებს.

Marca–ს ცნობით, სამეფო კლუბი სეზონის ბოლომდე ტოგოელი ფორვარდის არენდით აყვანას გეგმავს. ადებაიორს რობერტო მანჩინისთან დაძაბული ურთიერთობა აქვს. გუშინ პრესაში 26 წლის ფორვარდის და კოლო ტურეს ჩხუბის ამსახევლი ფაქტები გაჩნდა. "ქალაქელებსა" და ემანუელსს შორის სერიოზული დაძაბულება სუფევს, ამიტომ არ არის გამორიცხული, რომ ემანუელმა გუნდი დატოვოს.

თავის მხრივ ამ გარიგებით "ბლანკოსიც" კმაყოფილი უნდა დარჩეს, რადგან გუნდს აუცილებლად სჭირდება მინიმუმ ერთი ფორვარდი, გონსალო იგუაინის ტრავმის შემდეგ სამეფო კლუბში მხოლოდ ერთი ნომინალური თავდამსხმელი დარჩა კარიმ ბენზემას სახით. ალვარო მორატა კი მაინც "კასტილიელად" ითვლება და მას ძალიან პატარა გამოცდილება აქვს.

ინფორმაციის წყარო:merengues.ru