მოგეხსენებათ, "მალაგას" მწვრთნელი, მანუელ პელეგრინი სამეფო კლუბის მალელი ნახევარმცველის, მაჰამადუ დიარას შეძენით არის დაინტერესებული და ხელმძღვანელობას ყველაფრის გაკეთებას სთხოვს მაჰამადუს გადასაბირებლად...

დღეს გავრცელებული ინფორმაციით მანუელს ძალიან სურს დიარას საკუთარი გუნდის რიგებში ხილვა და ამისთვის 10 მილიონი ევროც არ ენანება. მაჰამადუს "ბლანკოსში" ძალიან ცოტა სათამაშო დრო აქვს და მას არ სურს მუდმივად სათადარიგოთა სკამზე ჯდომა, ამიტომ კლუბის გამოცვლას ცდილობს.

"მალაგას" ხელმძღვანელობას სერიოზული გაძლიერება აქვს მიზნად დასახული . მათ უკვე რამდენიმე მაღალი დონის მოთამაშე შეიძინეს, მათ შორის "ბლანკოსის" ყოფილი ბრაზილიელი ფეხბურთელი ჟულიო ბაპტიშტა.

10 მილიონი არ არის პატარა თანხა და დიდი შანსია, რომ ხორხე ვალდანო ამ საკითხთაან დაკავშირებით "მალაგელებს" მოელაპარაკოს, დაველოდოთ მოვლენათა განვითარებას.

შეგახსენებთ, მადრიდმა მალელი ნახევარმცველი "ლიონიდან" 26 მილიონ ევროდ გადმოიყვანა.