იგუაინისთვის შესაძლოა სეზონი დამთავრდეს
მოგეხსენებათ, მადრიდის "რეალის" ფორვარდი, გონსალო იგუაინი ტრავმირებულია. დღეს ცნობილი გახდა, რომ არგენტინელ ფორვარდს ოპერაცია ესაჭიროება...
ექიმები ყველაფერს აკეთებდნენ იმისათვის, რომ გონსალოსთვის ოპერაცია აერიდებინათ, მაგრამ ცდების მიუხედავად იმედები არ გამართლდა და პიპიტას ქირურგიული ჩარევა სჭირდება. გონსალოს 21 ნოემბრის შემდეგ არ უთამაშია, იგი ცდილობდა აღდგენითი კურსით ფონს გასვლას, მაგრამ არაფერი გამოვიდა.
ჟოზე მოურინიო ამ ფაქტით შეშფოთებულია და ყველაფერში გონსალოს პირად ექიმს ადანაშაულებს. პორტუგალიელი სპეციალისტის აზრით ეს დრო ტყუილად დაიკარგა. პიპიტას, რომ ოპერაცია ნოემბერში გაეკეთებინა, იგი გაცილებით უფრო მალე დაბრუნდებოდა და შეძლებდა გუნდის დახმარებას, ახლა კი სულ სხვა რეალობა დადგა წინ.
თავად გონსალომ ამ თემასთან დაკავშირებით კომენტარი გააკეთა. "ვცდილობ მშვიდად ვიყო და რეალობას შევხედო, ყველაფერი წინ არის, 99% ოპერაცია დამჭირდება და ამ აზრს ნელ-ნელა უნდა შევეგუო, მე ყველაფერს გავაკეთებ მწყობრში დროზე ჩასადგომად და მადრიდის "რეალის" დასახმარებლად."
- 4 იანვარი 2011
- 2 189
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
