დღეს, თბილისის დროით 01:00 საათზე მადრიდის "რეალის" თანაქალაქელ "ხეტაფეს" დაუპირისპირდება...

"ხეტაფეს" მოთამაშეები მოტივირებულები არიან და 2011 წლის პირველი შეხვედრის წარმატებით ჩატარება სურთ, ისევე როგორც "ბლანკოსის" ფეხბურთელებს.

"ბლანკოსის" მოთამაშეებმა 2010 წლის ბოლო შეხვედრა ლა ლიგაში "სევილიასთან" გამართეს და მოკრძალებულად მოიგეს, ხოლო შემდეგ სამეფო თასზე 8-0 გაანადგურეს "ლევანტე", გუნდი კარგ ფორმაში ხვდება ახალი წლის პირველ მატჩს.

იეჟი დუდეკი და გონსალო იგუაინი ტრავმების გამო ვერ შეძლებენ თამაშს, რიკარდო კარვალიო და პეპე კი დისკვალიფიცირებულნი არიან და მათ სხვა მცველები ჩაანაცვლებენ. სამაგიეროდ დაბრუნდა რიკარდო კაკა, რომელიც მეორე ტაიმში აუცილებლად შევა მოედანზე.

თავის მხრივ დანაკლისები "ხეტაფესაც" აქვს. კოლუნგა და მარიო ტრავმირებულები არიან, სანჩესი კი დისკვალიფიცირებულია, ისევე როგორც მარკანო.