მარსელო ნელ–ნელა აუმჯობესებს საკუთარ სათამაშო გამოცდილებას . ის უკვე მეოთხე სეზონს ჩაატარებს მადრიდის რეალის შემადგენლობაში. მადრიდის რეალის მარცხენა ფლანგზე მოთამაშე ფეხბურთელმა ისაუბრა realmadrid.com–თან.

ეს იქნება შენი მეოთხე სეზონი მადრიდის რეალის შემადგენლობაში . აპირებ თუ არა შენი პოზიციების გამაგრებას ამ წელს?

დიახ, თქვენ მართალი ხართ. მე დარწმუნებული ვარ , რომ შემიძლია მადრიდის რეალში წარმატებების მიღწევა. მე ბევრს ვმუშაობ და ყველა თამაშს, როცა მოედანზე გამოვდივარ რეალის შემადგენლობაში , როგორც ფინალს ისე ვუყურებ. ჩემი მიზანია, კიდევ დიდხანს ვითამაშო აქ. მე ძალიან ბედნიერი ვარ.



რამდენად შეიცვალეთ მას შემდეგ, რაც კლუბში მოხვედით?

მე რამე კონკრეტულის დასახელება გამიჭირდება, მაგრამ დარწმუნებული ვარ, რომ როგორც მოედანზე, ასევე მოედანს გარეთაც შევიცვალე ბლანკოსებში ჩარიცხვის შემდეგ. მე უფრო გავიზარდე ამ სამი წლის განმავლობაში, როგორც პერსონალური , ისე პროფესიონალური კუთხით.

შენ ძალიან ახალგაზრდა ხარ, რაც იმას ნიშნავს, რომ შეგიძლია მოუმატო, კონკრეტულად რის გაუმჯობესებას აპირებ?

თითოეულ ფეხბურთელს , ისევე როგორც მე, გააჩნია საკუთარი კვალიფიკაცია. მე ვერ ვიტყვი, რომ მხოლოდ კონკრეტულად ერთი რამის გაუმჯობესებას ვისურვებდი. მინდა რომ უკეთესი ვიყო ყველაფერში. მჯერა, რომ ვერცერთი ფეხბურთელი ვერ იქნება 100%–ით სრულყოფილი. ყოველთვის უნდა ვეცადოთ გაუმჯობესებას.



შენ წინა სეზონი დაიწყე, როგორც მარცხენა მცველმა, მაგრამ შემდეგ გააგრძელე, როგორც შემტევმა მარცხენა ნახევარცმველმა. შენ კვლავ დაუბრუნდი დაცვას, როგორ გრძნობ თავს ამ პოზიციაზე?

მე ძალიან კომფორტულად ვარ იმ პოზიციაზე , რომელზეც ეხლა ვთამაშობ. ხუანდე მე ნახევარდაცვაში მათამაშებდა, მაგრამ ყველამ იცის, რომ ჩემი ჩვეულებრივი ამპლუაა მარცხენა მცველი და შესაბამისი პოზიცია. მე უბრალოდ მაშინ მის და კლუბის დახმარებას ვცდილობდი.

დრენტე და შენ მარცხენა ფლანგზე ერთმანეთს ებრძვით, როგორ ფიქრობთ როგორი კონკურენციაა თქვენს შორის?

ეს სასაცილოა (იცინის). მიმაჩნია, რომ ეს ძალიან დადებითია, არავის არ აქვს გარანტირებული მადრიდის რეალის შემადგენლობაში ადგილი, ასე რომ ჩვენ არ შეგვიძლია მოდუნება. კლუბი წარმატებას კონკურენციის შედეგად აღწევს.

რას ფიქრობთ კლუბის პირველ ლა ლიგის თამაშზე?

მე მიმაჩნია, რომ უკეთესად თამაში შეგვიძლია, მაგრამ ეს სეზონის დასაწყისია და ჩვენ ვაგრძელებთ მუსაობას მანამ, სანამ არ მივაღწევთ ოპტიმალურ ფორმას. ჩვენ ეტაპობრივად გავაუმჯობესებთ. ამაში დარწმუნებული ვარ.

რისი გაუმჯობესება ესაჭიროება კლუბს?

ბეევრი რამის. ჩვენ ერთმანეთი კიდევ უფრო უკეთესად უნდა გავიცნოთ და გავიგოთ, თუ რა სურს კლუბისგან მთავარ მწვრთნელს. ჩემი აზრით, ცოტა კიდევ უნდა მოვუმატოთ თამაშის ყველა ასპექტში. რაც უფრო მეტს ვივარჯიშებთ და რაც უფრო მეტს ვითამაშებთ, მით მეტს მოვიგებთ და გავაუმჯობესებთ.



რას იტყვით პელეგრინზე?

ჩემი აზრით, ის კარგი მწვრთნელია. ბურთის კონტროლი უმთავრესია მისთვის. ჩვენ ბურთთან ერთად რამდენიმე ფიზიკურ ვარჯიშსაც ვასრულებთ , რაც დარწმუნებული ვარ, რომ ამ სეზონში დიდად დაგვეხმარება.

რას ფიქრობთ ახალწვეულებზე?

ჩვენ ვცდილობთ დავეხმაროთ თითოეულ ახალ ფეხბურთელს ადაპტირებაში. ეს ძალიან ადვილი იყო ამ ზაფხულს. ისე ჩანს, თითქოსდა ისინი კლუბში დიდი ხანია, რაც არიან.

რა არის თქვენი მთავარი მიზანი ამ სეზონში?

არ მიმაჩნია მიზანშეწონილად კონკრეტულად ერთი მიზნის დასახვა. ჩვენ ვითამაშებთ სამ ჩემპიონატში და უნდა ვიმუსაოთ ბევრი, რომ სამივე მათგანი მოვიგოთ. ჩემი აზრით, აუცილებელია ყველა თამაშის მოგება.

იმ ფაქტმა, რომ სანტიაგო ბერნაბეუზე მომდევნო წელს ჩემპიონთა ლიგის ფინალი ჩატარდება , თქვენი სათამაშო სტიმული ერთი–ორად უნდა გაზარდოს.

ეს ძალიან მნიშვნელოვანი იქნება, თუ მოვიგეთ ჩემპიონთა ლიგის ტიტული, როგორც კლუბისთვის, ასევე გულშემატკივრებისთვისაც. ძალიან სასიხარულო იქნება საკუთარ სტადიონზე ფინალის თამაში.

რას ფიქრობთ C ჯგუფში თქვენს ოპონენტებზე?

ჩემი აზრით ძნელ ჯგუფში მოვხვდით. არასდროს არ მითამაშია ამ კლუბების წინააღმდეგ, მაგრამ ვიცი, რომ ისინი დამაბრკოლებელ ბარიერი იქნებიან , თუ 100 %–ით არ დავიხარჯებით.

გაქვთ თუ არა შანსი ითამაშოთ ბრაზილიის ეროვნულ ნაკრებში?

დიახ, მე რამდენჯერმე გამომიძახეს და დარწმუნებული ვარ, რომ მსოფლიო ჩემპიონატზეც ვიასპარეზებ.

წყარო: realmadrid.com