იანვრის თვე მადრიდის "რეალისთვის" შესაძლოა ძალიან გადატვირთული აღმოჩნდეს...

3 დღეში გუნდს 2011 წლის პირველი შეხვედრა აქვს ხეტაფეს წინააღმდეგ ჩასატარებელი. ამის შემდეგ იქნება "ლევანტესთან" განმეორებითი შეხვედრა, სადაც ნაკლებად სავარაუდოა, რომ "ბლანკოსმა" 8 გოლიანი ჰანდიკაპი ქარს გაატანოს. აქედან გამომდინარეობს, რომ ესპანური გრანდი სამეფო თასის მომდევნო ეტაპზე აუცილებლად გავა.

9 იანვარს გუნდი "ვილირეალს" მიიღებს სანტიაგო ბერნაბეუზე, ეს იქნება 2011 წლის, რიგით მესამე შეხვედრა. "წყალქვეშა გემთან" შეხვედრის შემდეგ კი მადრიდელებს კვლავ "კოპა დელ რეი" ელით. ამის შემდეგ იქნება ლა ლიგის მატჩი ალმერიასთან, შემდეგ განმეორებითი შეხვედრა სამეფო თასზე, შემდეგ კვლავ ლა ლიგა და ასე შემდეგ.

გამოდის, რომ ჟოზეს გუნდს იანვრის თვეში 9 თამაშის ჩატარება მოუწევს, რაც ძალიან კარგ ფიზიკურ ფორმას მოითხოვს.