მადრიდის "რეალის" არგენტინელი ფეხბურთელი, რომელსაც ამ სეზონში ტრავმის გამო საერთოდ არ უთამაშია , ესპანეთიდან აბარგებას ფიქრობს, რადგან მისი კონკურენტები სერიოზული დონის ფეხბურთელები არიან და არგენტინელისთვის სათამაშო დრო აღარ რჩება...

ჟოზე მოურინიო სამი ხედირასა და ხაბი ალონსოს დუეტზეა ორიენტირებული, მათი ოქროს შემცვლელი კი ფრანგი ლასანა დიარაა. მაჰამადუ დიარა ყველაზე ნაკლებს თამაშობს, ამას დამატებული გაგო კი მეტისმეტია, ამიტომ დიდი შანსია, რომ არგენტინელმა ნახევარმცველმა "ბლანკოსის" რიგები დატოვოს.

ფეხბურთელის მიმართ ინტერესს მანჩესტერ "სიტი" იჩენდა, მაგრამ ტრავმის შემდეგ ამ ფეხბურთელისადმი ინგლისელების ინტერესი აღარ მძვინვარებს.

Sky Italy-ს ინფორმაციით, ფერნანდოს შეძენით ტურინის იუვენტუსი ინტერესდება. "ბებერი ქალბატონის" მესვეურები არგენტინელს ადრეც აკვირდებოდნენ, მაგრამ მოლაპარაკება არ შედგა, ახლა კი ინტერესმა კვლავ გაიღვიძა. იტალიელები მზად არიან ფერნანდოს სანაცვლოდ 7 მილიონი ევრო გადაიხადონ, კონტრაქტზე კი თავად ფეხბურთელთან აწარმოონ მოლაპარაკებები.

სავარაუდოდ არგენტინელის ტრანსფერთან დაკავშირებით მხარეები ზამთრის სატრანსფერო ფანჯრის დროს ისაუბრებენ.