ძალიან დიდი მითქმა-მოთქმაა გამოწვეული იმასთან დაკავშირებით, რომ ზამთრის სატრანსფერო ფანჯრის დროს მადრიდის "რეალი" აუცილებლად შეიძენს ერთ ცენტრ ფორვარდს. რამდენიმე კანდიდატურა განიხილება, მათ შორის ყველაზე აქტუალური კარლოს ტევესის, ემანუელ ადებაიორის და ჩიჩარიტო ერნანდესის პერსონაა.

მოგეხსენებათ, ხორხე ვალდანო ფერნანდო ლორენტეს შეძენითაც ინტერესდება, მაგრამ ბილბაოს "ატლეტიკის" პრეზიდენტი ყველაფერს აკეთებს საკუთარი ლიდერის შესანარჩუნებლად, იგი ფერნანდოს არარეალურ ფასს ადებს.

"Daily Mail" ინგლისში ერთ-ერთი ყველაზე პრესტიჟული და სანდო გამოცემაა. ხსენებული წყაროს ინფორმაციით "ბლანკოსი" თავის მომავალ "9"-იანს სწორედ ინგლისდან წამოიყვანს და ეს უკვე გადაწყვეტილია. მანჩესტერ "სიტის" მოუწევს ან ადებაიორის ან კარლოს ტევესის გაყიდვა, სამეფო კლუბს ძალიან სურს რომელიმე მათთაგანის გადმობირება.

ასევე განიხილება ასევე მანჩესტერელი ჩიჩარიტოს საკითხი, ოღონდ იგი იუნაიტედში ასპარეზობს და არა სიტიში. ცივი ზამთრის იანვრის თვე "ბლანკოსის" ხელმძღვანელობისთვის, რომ ძალიან ცხელი იქნება ეს უკვე ნათელია, დაველოდოთ მოვლენათა განვითარებას.