მოგეხსენებათ, ჩემპიონთა ლიგის 1/8 ფინალის მეტოქე სამეფო კლუბისთვის ფრანგული "ლიონი" აღმოჩნდა. ისტორია მეორდება, შარშანდელი სეზონის ზუტად ამ ეტაპზე ეს გუნდები უკვე შეხვდნენ ერთმანეთს. პირველი შეხვედრა საფრანგეთში ფრანგებმა მოიგეს ანგარიშით 1-0, ხოლო მეორე მატჩი "ბერნაბეუზე" 1-1 დასრულდა და 1/4 ფინალის საგზური "ლიონის" მოთამაშეებმა მოიპოვეს...

ბედმა "ბლანკოსს" ისევ ის მეტოქე არგუნა, რომელიც შარშან ჰყავდა. ფრანგულ გუნდს "რეალისთვის" აქილევსის ქუსლსაც კი ეძახიან, რადგან "ლიონს" არასდროს უჭირს ესპანურ გიგანტთან თამაში და ურთიერთშეხვედრებში მკვერთრი უპირატესობა აქვს.

პირველი შეხვედრა ისევე როგორც შარშან, წელსაც საფრანგეთში გაიმართება, ხოლო მეორე მატჩი "ბერნაბეუზე" შედგება. სამეფო კლუბის ფეხბურთელებს რევანშის აღების დიდი შანსი მიეცათ და ისინი ყველაფერს გააკეთებენ მეტოქის დამაჯერებლად დასამარცხებლად და მომდევნო ეტაპზე გასასვლელად.

მადრიდის "რეალი" და საფრანგეთის "ლიონი" შარშანდლამდე კიდევ რამდენჯერმე შეხვედრიან ერთმანეთს, მატჩთა უმრავლესობაში წარმატებას სწორედ ფრანგული გუნდი აღწევდა.

ახლა კი იხილეთ ზუსტი სტატისტიკა. სამეფო კლუბს ლიონელებთან არცერთი შეხვედრა არ მოუგიათ, 3 ფრედ დაასრულეს, ხოლო 3 წააგეს. 4 გოლი გაიტანეს და 10 გაუშვეს.