მადრიდის "რეალის" ყოფილმა მოთამაშემ, რომელიც ამჟამად მილანის "ინტერის" ღირსებას იცავს, განაცხადა, რომ ჩემპიონთა ლიგის 1/8 ფინალში მეტოქედ ძალიან სურს "ბლანკოსი", რადგან დიდი სიამოვნებით ითამაშებდა კიდევ ერთხელ სანტიაგო "ბერნაბეუს" სახელობის სტადიონზე...

"კენჭისყრაზე თუ გავიგებ, რომ ჩვენი მეტოქე მადრიდის "რეალი" იქნება ძალიან გამიხარდება, რადგან ამ გუნდში ვთამაშობდი და კიდევ ერთხელ მინდა სანტიაგო ბერნაბეუზე გასვლა."

"მადრიდელთა მთავარი მწვრთნელი ჟოზე მოურინიოა, რომელსაც უდიდეს პატივს ვცემ და ვთვლი, რომ იგი მსოფლიოს ერთ-ერთი საუკეთესო მწვრთნელია. ჟოზესთან ერთად გატარებული დრო არასდროს დამავიწყდება, რადგან პორტუგალიელმა ბევრი რამ მასწავლა და საკუთარი თავის ფასი გამაგებინა."

"თეთრებთან ორივე შეხვედრა ურთულესი იქნება, მაგრამ დარწმუნებული ვარ, რომ ჩვენ შევძლებთ მათ დამარცხებას, "რეალთან" შეხვედრა ყოველთვის სასიამოვნო და დაძაბულია , გამარჯვება კი ორმაგად სასიხარულო, იმედი მაქვს ბედი სწორედ სამეფო კლუბს გვარგუნებს მეტოქედ."