მადრიდის "რეალის" პორტუგალიელმა მცველმა, კლეპერ პეპემ, განაცხადა, რომ მისთვის ჩემპიონთა ლიგის 1/8 ფინალის ყველაზე სასურველი მეტოქე იტალიური "რომა" იქნება...

"მსურს, რომ ჩვენი მეტოქე "რომა" იყოს, რადგან რამდენიმე წლის წინ ამ გუნდთან ძალიან ცუდად წავაგეთ, ეს იყო დაუმსახურებელი და გაუთვალისწინებელი მარცხი. იმედი მაქვს იტალიელებს შევხვდებით და სრულფასოვან რევანშს ავიღებთ."

"მაშინდელ და ახლანდელ "ბლანკოსს" შორის უდიდესი სხვაობაა, შემადნგელობა ამჟამად გაცილებით უფრო მძლავრია, მე მსურს "სტადიო ოლიმპიკოზე" დაბრუნება და საქმის იქვე დამთავრება, იტალიაში მოგება უდიდესი სიამოვნებაა."

"ჩემი ფავორიტი "რომაა", მაგრამ უდიდესი მნიშვნელობა ამას რა თქმა უნდა არ ენიჭება. რა დონის გუნდიც არ უნდა შეგვხვდეს, ჩვენ ვალდებულები ვართ, რომ დავამარცხოთ ისინი, რადგან 1/8 ფინალიდან გავარდნა უკვე ტრადიციად იქცა."