სამეფო კლუბის ფეხბურთელი რიკარდო კაკა აღდგენით კურსს გადის და მისი დაბრუნება უახლოეს მომავალში იგეგმება. ბრაზილიელი ფეხბურთელი დღეს ბავშვებს შეხვდა და საჩუქრები გადასცა, შემდეგ კი ჟურნალისტებთან გასაუბრებაც მოასწრო, მისი თქმით იგი ძალიან მალე დაბრუნდება მოედანზე და კიდევ ერთხელ გაიბრწყინებს...

"ძალიან მსურს მოედანზე რაც შეიძლება მალე გასვლა და გუნდის დახმარება, ჩემთვის მთავარი ტრავმის ბოლომდე მორჩენა და თამაშია, უკვე რამდენიმე თვეა, რაც ვერ ვახერხებ "ბერნაბეუზე" გასვლას, რაც ძალიან ცუდად მოქმედებს, მაგრამ ვაცნობიერებ, რომ სულ მალე კვლავ ჩავიცვამ თეთრ მაისურს და შევძლებ გუნდის დახმარებას."

"მომავალი წლის დასაწყისში სრულ ფორმაში ვიქნები და შევძლებ მოედანზე გასვლას, მე არ მეშინია კონკურენციის, რადგან ვთვლი, რომ კიდევ შემიძლია მაღალ დონეზე თამაში."

"ყველაფერს გავაკეთებ ფორმაში დაჩქარებულ დროში ჩასადგომად და გუნდში ადგილის დასამკვიდრებლად."