მადრიდის "რეალის" პორტუგალიელმა ლიდერმა, კრიშტიანო რონალდომ განაცხადა, რომ სამეფო კლუბს მომდევნო ტურში სერიოზული ბრძოლის გადატანა მოუწევს, რადგან მოწინააღმდეგე სატურნირო ცხრილში არადამაჯერებლობის მიუხედავად, ძალიან ძლიერია და ნებისმიერი გუნდისთვის შეუძლია ღირსეული წინააღმდეგობის გაწევა...

"ანდალუსიელებთან შეხვედრა ძალიან მნიშვნელოვანი იქნება. მართალია ისინი წელს არადამაჯერებლად ასპარეზობენ, მაგრა ვთვლი, რომ ამ გუნდის რეალური ძალა წელს ჯერ არ გამოჩენილა, სევილიელებს ნამდვილად შეუძლიათ ჩემპიონთა ლიგის ზონაში მოსახვედრას ბრძოლა, ესპანეთის ჩემპიონატის ოთხეულში მოხვედრა მათთვის დიდი პრობლემა არ უნდა იყოს."

"გუნდი ყველაფერს აკეთებს იმისათვის, რომ მოახერხოს მომავალი ძლიერი მეტოქის დამარცხება, ჩვენთვის ეს შეხვედრა უმნიშვნელოვანესი იქნება. შარშანდელ სეზონში ანდალუსიელებთან ერთი შეხვედრა დავთმეთ, ახლა კი ნამდვილად არ ვაპირებთ იგივეს გამეორებას, რადგან ქულების დაკარგვა კატასტროფის ტოლფასი იქნება."

"ჩემთვის არა გოლები, არამედ გუნდური თამაში და წარმატებაა მნიშვნელოვანი, პიჩიჩისთვის ბოლომდე ვიბრძოლებ, მაგრამ ჩემი გოლები გუნდს უნდა გამოადგეს."

"თითოეული ფეხბურთელი ყველაფერს აკეთებს იმისათვის, რომ მაქსიმუმი აჩვენოს, 2-3 თვეში ჩვენი გუნდი კიდევ უფრო ძლიერი იქნება და ნებისმიერი მეტოქის დამარცხებას შეძლებს."