კრიშტიანო რონალდო წლევანდელ სეზონში ძალიან ბევრი გოლის გატანას ახერხებს და იგი რეკორდებს უახლოვდება. ამ დროისთვის პორტუგალიელი მოთამაშის ანგარიშზე ლა ლიგაში 17 გოლია, რაც ნამდვილად დიდი შედეგია. კრიშტიანო ასევე ბრწყინვალედ ასრულებს სტანდარტებს, ამ სეზონში მან პრიმერა დივიზიონში 2 გოლი გაიტანა საჯარიმო დარტყმით, ხოლო ჩემპიონთა ლიგაზე 1.

"სარაგოსასთან" გატანილი მე-17 გოლი ისტორიული გამოდგა, რადგან კრიშტიანომ ისეთი დიდი ფეხბურთელის რეკორდი გაიმეორა, როგორიც ალფრედო დი სტეფანოა. არგენტინელ, ლეგენდარულ ფიგურას 15 ტურის შემდეგ სწორედ 17-ჯერ ჰქონდა მოწინააღმდეგის კარი დალაშქრული. "

"რონალდო სტანდარტებს შარშანდელ სეზონშიც ძალიან კარგად ასრულებდა, ყველაზე დიდი ზარალი ახალგაზრდა მეგოლისგან შვეიცარიულმა "ციურიხმა" ნახა, კრიშტიანომ ერთ შეხვედრაში ორი ბრწყინვალე ჯარიმის გატანა მოახერხა. ის შეხვედრა "მერენგებმა" 5-2 მოიგეს."

"პორტუგალიელი შემტევი ამჟამად ლა ლიგის მეგოლეთა ცხრილსაც ლიდერობს ლიონელ მესისთან ერთად 17 გოლით."

"თუკი რონალდო შემდეგ შეხვედრაშიც მოახერხებს გოლის გატანას, იგი უგო სანჩესის რეკორდსაც გაიმეორებს, რომელსაც 16 შეხვედრაში 18 გოლი ჰქონდა შეგდებული ლა ლიგის ეგიდით გამართულ მატჩებში."